Contact Us

SON XƏBƏRLƏR

Mark Karni: Kanada heç vaxt Amerikanın bir hissəsi olmayacaq

2025.03.10, 11:44
Mark Karni: Kanada heç vaxt Amerikanın bir hissəsi olmayacaq

Kanadanın hakim Liberal Partiyasının yeni lideri və gələcək baş nazir Mark Karni Amerika ilə ticarət müharibəsində Kanadanın qalib gələcəyini əmin olduğunu deyib.

Gunaz.tv

GünazTV Musavat.com-a istinadən xəbər verir ki, o, öz tərəfdarlarına müraciətində "Kanada heç vaxt, heç bir şəkildə Amerikanın bir hissəsi olmayacaq" deyib.

Karni bildirib ki, o, Kanadanın Birləşmiş Ştatlara tətbiq etdiyi əks-tarifləri “amerikalılar bizə hörmət göstərənə və azad və ədalətli ticarətlə bağlı etibarlı öhdəliklər götürənə qədər” davam etdirəcək.

Lakin o,  Amerika prezidenti Donald Trampla qarşıdurmanın fövqəladə səylər tələb edəcəyi barədə xəbərdarlıq edib: "Amerika səhv etməməlidir. Hokkeydə olduğu kimi ticarətdə də Kanada qələbə qazanacaq."

Mark Karni əlavə edib ki, Hökumət daha güclü iqtisadiyyat qurmaq, etibarlı tərəfdaşlarla yeni ticarət əlaqələri qurmaq və sərhədləri qorumaq planlarını həyata keçirəcək.

Qeyd edək ki,  Amerika prezidenti Donald Tramp tətbiq etdiyi rüsumların  Amerikanı yenidən dünyanın ən zəngin ölkəsi edəcəyini bir daha vurğulayıb. O, Florida ştatından dönərkən təyyarədə jurnalistlərin suallarını cavablandırıb və tariflərə görə 2025-ci ildə ölkədə resessiya olacağına dair xəbərdarlıqlarla bağlı suallardan yayınıb.

 

 

Ş.E

Açar Sözlər :

OXŞAR XƏBƏLƏR

SEÇİLMİŞ XƏBƏRLƏR

Çox oxunanlar