Contact Us

SON XƏBƏRLƏR

ABŞ vitse-prezidentinin əmisi oğlu Ukraynada ruslara qarşı döyüşüb

2025.03.10, 12:00
ABŞ vitse-prezidentinin əmisi oğlu Ukraynada ruslara qarşı döyüşüb

ABŞ vitse-prezidenti Ceyms Devid Vensin əmisi oğlu Neyt Vens bir neçə il Ukrayna Silahlı Qüvvələrinin tərkibində Rusiyaya qarşı döyüşüb.

Gunaz.tv

GünazTV Fransanın “Le Figaro” qəzetinə istinadən xəbər verir ki, Neyt Vens ABŞ-nin Texas ştatına köçməzdən əvvəl dörd il ABŞ Dəniz Piyadaları Korpusunda xidmət edib. 2022-ci ilin mart ayında o, kömək etmək və "tarixin yenidən yazılmasına şahidlik etmək" üçün Ukraynanın Lvov şəhərinə səfər edib.

Orada o, Ukrayna Silahlı Qüvvələrinə qoşulmaq üçün adamlar axtaran britaniyalı könüllü ilə tanış olub. Sonda Vens könüllü olmağa qərar verir və iyunda Donbasa gedir.

"O, bizdən yaşca böyük idi. Atıcılıq meydançasına getdik. O, AK-47-ni götürdü, nişangah taxmadı, hədəfi 800 metr aralıda qoydu. Hamı ona güldü. Amma o, ard-arda beş dəfə hədəfi vuranda gülüş səsləri kəsildi", - əsgər yoldaşı Dmitro Neyt Vens ilə xatirəsini bölüşərkən bildirib.

 

Брат віце-президента США воював за Україну, - Le Figaro

Fotoda: Neyt Vens

 

Neyt Vensin "Da Vinci Wolves" (Da Vinci Qurdları) batalyonuna bağlı “Honor” qrupunun tərkibində döyüşdüyü məlumdur.

"O, soyuqqanlı təbiətə malik əla döyüşçüdür. On beş dəfə ölməliydik - on beş dəfə sağ qalmaq bizə qismət oldu" dedi "Da Vinci Wolves" batalyonunun komandiri Serhi Filimonov bildirib.

Məqalədə qeyd olunur ki, Neyt Vens 2025-ci il yanvarın əvvəlində, Devid Vens vitse-prezident vəzifəsinə başlamazdan bir neçə gün əvvəl Ukrayna Silahlı Qüvvələrini tərk edib. Nəşr yazır ki, Neyt Devid Venslə Ukrayna münaqişəsi ilə bağlı fikirlərini bölüşmür və onun mövqeyindən məyusdur. Ukrayna Silahlı Qüvvələrinin keçmiş əsgərinin sözlərinə görə, o, vitse-prezidentə Ukraynadakı vəziyyətlə bağlı “bəzəksiz həqiqəti” deyə bilərdi. Ancaq Vens ondan daha ətraflı məlumat əldə etməyə çalışmayıb.

 

 

Şahin Elxanoğlu

Açar Sözlər :

OXŞAR XƏBƏLƏR

SEÇİLMİŞ XƏBƏRLƏR

Çox oxunanlar