Ermənistan sülh müqaviləsinin 12-ci redaksiyasına cavab verib

SON XƏBƏRLƏR

Ermənistan sülh müqaviləsinin 12-ci redaksiyasına cavab verib

2025.03.12, 15:52

Ermənistan Azərbaycanın sülh müqaviləsi layihəsinin 12-ci redaksiyasına öz mövqeyini açıqlayıb.

Gunaz.tv

GünazTV xəbər verir ki, bu barədə Ermənistanın xarici işlər naziri Ararat Mirzoyan məlumat verib.

"Biz artıq Azərbaycanın təqdim etdiyi 12-ci redaksiyaya dair mövqeyimizi qarşı tərəfə çatdırmışıq", - Mirzoyan bildirib.

O, əlavə edib ki, Ermənistanın yanaşmaları ölkənin Azərbaycanla sülh qurmaq niyyətinə uyğun gəlir.

Nazirin sözlərinə görə, İrəvan və Bakı sülh müqaviləsinin imzalanması və ratifikasiyası ilə bağlı bütün məsələləri müzakirə etmək imkanı əldə edəcək.

Bundan əlavə, Mirzoyan Ermənistan və Azərbaycanın beynəlxalq məhkəmələrdə bir-birinə qarşı irəli sürdüyü iddiaların geri götürülməsi məsələsini də müzakirə etdiklərini qeyd edib.

"Bəli, biz beynəlxalq hüquq platformalarında bir-birimizə qarşı irəli sürdüyümüz iddialardan imtina məsələsini müzakirə edirik", – deyə o vurğulayıb. O, həmçinin iki ölkənin sərhəddə üçüncü tərəflərin mövcudluğunun qarşısının alınması məsələsini də nəzərdən keçirdiyini bildirib.

Mirzoyan hesab edir ki, konstruktiv yanaşma nümayiş etdirildiyi təqdirdə, Azərbaycan və Türkiyə ilə münasibətlərin yaxşılaşdırılması istiqamətində qısa zamanda ciddi irəliləyiş əldə etmək mümkündür.

Ş.E

GUNAZ.TV

SON XƏBƏRLƏR