Çanaqqala Zəfərinin 110-cu ildönümü münasibətilə Azərbaycanda mərasim keçirilib

SON XƏBƏRLƏR

Çanaqqala Zəfərinin 110-cu ildönümü münasibətilə Azərbaycanda mərasim keçirilib

2025.03.18, 16:01

Türk Şəhidlik Qəbiristanlığında keçirilən mərasimdə Türkiyənin Bakıdakı səfiri Birol Akgün, Şimali Kipr Türk Respublikasının Bakıdakı nümayəndəsi səfir Ufuk Turqaner, Türkiyənin Bakıdakı təşkilatlarının nümayəndələri və vətəndaşlar iştirak ediblər.

Gunaz.tv

Səfir Akgünün Şəhidlər abidəsinə əklil qoyduğu mərasimdə şəhidlər bir dəqiqəlik sükutla yad edilib, İstiqlal Marşı və Azərbaycan Himni səsləndirilib.

Akgün və onu müşayiət edən şəxslər 20 Yanvar şəhidlərinin dəfn olunduğu Şəhidlər Xiyabanını da ziyarət ediblər. Akgün şəhidlərin xatirə kitabını imzalayıb, şəhid məzarları üzərinə qərənfillər qoyub.

Burak%20Yilmaz%2F2025%2Fmart%2FNew%20folder%20(13)%2FAA-37374653.jpg

Türkiyə Milli Təhsil Nazirliyinə bağlı Bakı Türk Təhsil Qurumlarında 18 Mart Şəhidləri Anma Günü və Çanaqqala Dəniz Zəfərinin 110-cu ildönümü münasibətilə proqram təşkil edilib.

Səfir Akgün proqramdakı çıxışında Çanaqqalanın türk millətinin istiqlal və azadlıq uğrunda göstərdiyi böyük fədakarlığın, əzmkarlığın və vətən sevgisinin ən güclü simvollarından biri olduğunu bildirib.

Burak%20Yilmaz%2F2025%2Fmart%2FNew%20folder%20(13)%2FAA-37374645.jpg

Gənclərin üzərinə böyük vəzifələr düşdüyünü vurğulayan Akgün bunları qeyd edib:

"Çanaqqalada döyüşən gənclər canlarını, ən qiymətli varlıqlarını vətənləri üçün fəda etdilər. Onların idealları, fədakarlıqları və əzmləri sabahın güclü Türkiyəsini quracaq bir məşəl kimi əlinizdə yanmağa davam edəcək. Sizlər tariximizi yaxşı öyrənməli və bu böyük fədakarlıqlardan ilham almalısınız”.

Vətən uğrunda canlarını fəda etmiş qəhrəmanların və mərhum dövlət xadimlərinin xatirəsi birdəqiqəlik sükutla yad edilən tədbirdə şeirlər və xalq mahnıları da səsləndirilib.

Şahin Elxanoğlu

GUNAZ.TV

SON XƏBƏRLƏR