İran Fransa vətəndaşını 880 gündən sonra həbsdən sonra azad edib

SON XƏBƏRLƏR

İran Fransa vətəndaşını 880 gündən sonra həbsdən sonra azad edib

2025.03.20, 12:27

İranda 2022-ci ildən bəri həbsdə saxlanılan fransız vətəndaşı Olivier Grondeau azad olunub və Fransaya qayıdıb.

Gunaz.tv

GünazTV "Time" nəşrinə istinadən xəbər verir ki, Fransa prezidenti Emmanuel Makron Olivier Grondeaunun azad edildiyini sosial şəbəkə hesabında bildirib. O, Grondeaunun azad edilməsinə nəyin səbəb olduğu barədə təfərrüat təqdim etməyib. Fransa hökuməti hələlik azad edilmənin detalları barədə ətraflı açıqlama verməsə də, bu qərarın Tehran və Paris arasındakı danışıqların nəticəsi olduğu ehtimal edilir. Fransanın Avropa və xarici işlər naziri Jan-Noel Barrot şəxsi təyyarədə evə qayıdarkən gülümsəyən Grondeaunun şəklini internetdə yayımlayıb.

Fransa hökuməti onun azad edilməsi üçün uzun müddətdir diplomatik səylər göstərirdi. Makronun açıqlamasına görə, Grondeau artıq vətəninə qayıdıb və ailəsi ilə bir araya gəlib.

"Biz hələ də girovluqda olan bütün soydaşlarımızın, o cümlədən Sesil Kohler və Jak Parisin azadlığa buraxılması üçün səylərimizi yorulmadan davam etdirəcəyik", - Barrot yazıb.

İran rejimi Olivier Grondeaunun azadlığa buraxılmasını etiraf etmir. İranda xarici ölkə vətəndaşlarının bu cür sərbəst buraxılmaları adətən nəyinsə müqabilində olur. Bu həftənin əvvəlində Xarici İşlər Nazirliyinin sözçüsü İsmayıl Bəqayi, Fransanın fələstinliləri dəstəkləyən iranlı qadını həbs etdiyini, lakin Tehranın hələ də onun işi ilə bağlı daha ətraflı məlumat toplamağa çalışdığını iddia etdi.

Grondeau 2022-ci ilin oktyabr ayında İranın Şiraz şəhərində həbs edilib. Onun yaxınlarının bildirdiyinə görə, o, poeziyaya marağı olan bir səyahətçi idi və dünya turu çərçivəsində İrana səfər etmişdi.

Şahin Elxanoğlu

GUNAZ.TV

SON XƏBƏRLƏR