ABŞ-dən HƏMAS-a yeni təklif

SON XƏBƏRLƏR

ABŞ-dən HƏMAS-a yeni təklif

2025.03.28, 12:14

ABŞ amerikalı girov Edan Aleksandrı azad etmək və Qəzzada atəşkəs danışıqlarını bərpa etmək üçün Qətər vasitəçiləri vasitəsilə HƏMAS-a yeni təklif təqdim edib.

Gunaz.tv

GünazTV Musavat.com-a istinadən xəbər verir ki, məlumatı Axios İsrail və Amerika rəsmilərinə istinadən yayıb.

Mənbələr bildiriblər ki, təklif ABŞ prezidenti Donald Trampın Qəzzada sakitliyə və Aleksandrın azad edilməsi müqabilində daimi atəşkəslə bağlı danışıqları bərpa etməyə çağıran bəyanatla çıxış etməsini nəzərdə tutur.

HƏMAS-ın bu təklifi qəbul edib-etməyəcəyi məlum deyil. "Hələ ki, heç bir razılaşma yoxdur", - amerikalı rəsmi bildirib. İsrail rəsmisi bildirib ki, yeni təklif “daha çox tam aydın olmayan və ya işlənib hazırlanmamış bir ideyadır”.

“The Times of Israel” qəzetinə danışan ərəb diplomat, sadəcə Trampın bəyanatına görə HƏMAS-ın Aleksandrı azad etməyə razı olacağına şübhə edib. Onun fikrincə, Fələstin hərəkatı daha əsaslı bir şey tələb edəcək.

Ərəb diplomatı bildirib ki, Qətər və Misirdən olan vasitəçilər ABŞ-ın son təklifini müzakirə etmək üçün martın 27-də axşam Dohada Həmas nümayəndə heyəti ilə görüşüblər. İsrailin buna necə reaksiya verəcəyi də bəlli deyil. Martın 27-də İsrailin baş naziri Benyamin Netanyahu məsələni müzakirə etmək üçün təhlükəsizlik rəhbərləri və baş müşavirləri ilə məsləhətləşmələr aparıb.

Axios xəbər verir ki, Misir bir neçə gün əvvəl Qahirədə HƏMAS rəsmiləri ilə görüşüb, danışıqları davam etdirmək məqsədilə başqa bir təklifi müzakirə edib.

İsrail rəsmisi bildirib ki, bu təklif daha əvvəl Trampın nümayəndəsi Stiv Vitkoffun təqdim etdiyi və HƏMAS-ın bunu qəbul etmədiyi təklifə çox bənzəyir.

Misirlilər Qəzza zolağında atəşkəs çərçivəsində İsrail tərəfindən azad edilən və o vaxtdan Qahirədə saxlanılan keçmiş HƏMAS məhbuslarını qrup daha çox girovu azad etməyə razılıq verməsə, deportasiya edəcəkləri ilə hədələyiblər.

Qəzza xaricindəki HƏMAS liderlərinin Misirin təklifini qəbul etməyə hazır olduqları bildirilsə də, hərəkatın Qəzzadakı hərbi lideri Məhəmməd Sinvar bunu rədd edib.

Ş.E

GUNAZ.TV

SON XƏBƏRLƏR