Contact Us

SON XƏBƏRLƏR

Ukraynadan Brüsselə 40 səhifəlik təklif: Rusiyaya qarşı bu addımlar atılmalıdır

2025.05.22, 11:40
Ukraynadan Brüsselə 40 səhifəlik təklif: Rusiyaya qarşı bu addımlar atılmalıdır

Gələn həftə Ukrayna Avropa İttifaqı ilə Moskvanı təcrid etmək üçün yeni, genişmiqyaslı addımlar, o cümlədən Rusiya aktivlərinin müsadirəsi və Rusiya neftinin alıcılarına qarşı sanksiyaların tətbiqi barədə müzakirələrə başlayacaq.

Gunaz.tv

GünazTV Musavat.com-a istinadla bildirir ki, bu barədə Ukrayna KİV-də məlumat yayılıb.

Bildirilir ki, bu, Amerika prezidenti Donald Trampın Rusiyaya qarşı sanksiyaları sərtləşdirməkdən imtina etməsi fonunda və ona cavab olaraq atılacaq addımdır.

İddialara görə, Aİ-yə veriləcək sənəd Amerikanın bu prosesdə rolu qeyri-müəyyənləşdiyi üçün Rusiyaya qarşı sanksiyalarla bağlı daha aqressiv və müstəqil mövqe nümayiş etdirməyə çağırır.

40 səhifəlik sənəddə Rusiya aktivlərinin müsadirəsi və Ukraynaya çatdırılmasını təmin edəcək qanun layihəsi də var. Sanksiya altında olanlar daha sonra Rusiyadan təzminat tələb edə biləcəklər. Aİ sanksiyaların öz ərazisindən kənarda daha sərt tətbiqini təmin etmək üçün bir sıra addımları nəzərdən keçirməlidir, o cümlədən onun texnologiyasından Rusiyaya kömək üçün istifadə edən xarici şirkətləri hədəfə almaq və “Rusiya neftinin alıcılarına ikinci dərəcəli sanksiyalar tətbiq etmək”: “Hindistan və Çin kimi böyük alıcıları vura biləcək bu cür ikinci dərəcəli sanksiyalar, Avropanın indiyə qədər atmaqda tərəddüd etdiyi böyük addım ola bilər”.

Sənəd həm də sanksiyaların elə mexanizmini nəzərdə tutur ki, ayrı-ayrı Aİ-yə üzv dövlət tərəfindən bloklana bilməsin.

Xatırladaq ki, bazar ertəsi Putinlə söhbətindən sonra Tramp Avropa liderlərinin və Ukraynanın gözləntilərinə rəğmən Rusiyaya qarşı yeni sanksiyalar tətbiq etməmək qərarına gəlib. Aİ və Böyük Britaniya danışıqların səhəri günü Rusiyaya qarşı əlavə sanksiyalar tətbiq edib. Eyni zamanda, onlar Amerikanın onlara qoşulacağına hələ də ümid edirlər, lakin Vaşinqton olmadan da Rusiyaya təzyiq göstərə biləcəkləri yolları açıq şəkildə müzakirə edirlər.

 

 

Ş.E

Açar Sözlər :

OXŞAR XƏBƏLƏR

SEÇİLMİŞ XƏBƏRLƏR

Çox oxunanlar