Ben-Qurion ballistik raketlə vuruldu

SON XƏBƏRLƏR

Ben-Qurion ballistik raketlə vuruldu

2025.05.22, 14:49

Yəmənin "Ənsar Allah" üsyançı hərəkatına məxsus husilər Təl-Əvivdə yerləşən Ben-Qurion hava limanına ballistik raketlə hücum ediblər.

Gunaz.tv

GünazTV Musavat.com-a istinadla xəbər verir ki, bu barədə üsyançıların yaratdığı silahlı qüvvələrin nümayəndəsi Yəhya Sariya “Al Masirah” telekanalının efirində bildirib.

“Raket qüvvələri ballistik "Zülfüqar" raketindən istifadə edərək hərbi əməliyyat keçirib. Əməliyyat çərçivəsində Yaffa bölgəsində (söhbət Təl-Əvivdən gedir) yerləşən Ben-Qurion hava limanı hədəf alınıb”, – deyə o bildirib.

Sariyanın sözlərinə görə, əməliyyat öz məqsədinə uğurla çatıb və nəticədə hava limanının fəaliyyəti təxminən bir saat müddətinə dayandırılıb.

Bundan əlavə, yəmənli üsyançılar Təl-Əviv və Hayfa şəhərlərində iki hədəfə pilotsuz uçuş aparatları ilə zərbə endiriblər.

Mayın 6-da Amerika prezidenti Donald Tramp bəyan edib ki, husilər Qırmızı dənizdə gəmilərə hücumları dayandırmağa razılaşıblar. Bu səbəbdən Amerika ordusu artıq Yəməndəki üsyançı obyektlərinə zərbə endirməyəcək. Amerika liderinin bəyanatından qısa müddət sonra Oman xarici işlər naziri Bədr əl-Busaidi bildirib ki, Amerika və husilər sultanlığın vasitəçiliyi ilə Yəməndə atəşkəs barədə razılığa gəliblər. Onun sözlərinə görə, razılaşmaya əsasən, husilər Bab əl-Məndəb boğazından keçən, o cümlədən amerikalılara məxsus gəmilərə hücumlardan imtina edəcəklər. Eyni zamanda, “Ənsar Allah”ın Ali Siyasi Şurasının rəhbəri Mehdi əl-Məşat bəyan edib ki, üsyançılar Qəzzəyə dəstəyi davam etdirəcək və fələstinlilərlə həmrəylik məqsədilə İsrail ərazisinə hücumları dayandırmayacaqlar.

Ş.E

GUNAZ.TV

SON XƏBƏRLƏR