Contact Us

SON XƏBƏRLƏR

“Şahed” dronlarının istehsalı kütləvi şəkildə artırılıb

2025.05.22, 15:35
“Şahed” dronlarının istehsalı kütləvi şəkildə artırılıb

Rusiya “Şahed” tipli kamikadze dronlarının istehsalını peşəkar hərbi əsaslara keçirib və bu dronların döyüş başlığının 80 kiloqrama qədər artırıb.

Gunaz.tv

GünazTV Azpolitika-ya istinadla xəbər verir ki, bu barədə Ukrayna Silahlı Qüvvələrinin kəşfiyyat bölməsinin komandiri Denis Yaroslavski bildirib.

Komandirin sözlərinə görə, Rusiya artıq bu dronları sürətlə və kütləvi şəkildə istehsal etməyə başlayıb: “Döyüş meydanında hələ bu tip dronlara rast gəlməmişəm, amma yaxın zamanda görünəcəkləri şübhəsizdir. Əvvəllər ölkə boyu gün ərzində 50–100 dron istifadə olunurdusa, bu sürətlə gündə 500 və daha artıq dronun istifadəsi mümkündür. Çünki istehsal çox ciddi səviyyəyə qaldırılıb".

Yaroslavski həmçinin Ukrayna və Rusiyanın PUA istehsalını müqayisə edərək bildirib: “Həm biz, həm də düşmən müxtəlif tipli dronlardan istifadə edir – bu baxımdan vəziyyət bərabərdir. Amma Rusiya bu sahəni peşəkar hərbi istehsala çevirib. Onlar böyük maliyyə dəstəyi alır. Bizdə isə hələ də bir çox istehsalçılar zirzəmilərdə dron yığır, Rusiya isə bunu iri müəssisələrdə həyata keçirir.”

Mütəxəssislər bu tendensiyanın Ukraynanın hava hücumundan müdafiə imkanlarına ciddi təzyiq yaradacağını qeyd edirlər.

 

 

Ş.E

Açar Sözlər :

OXŞAR XƏBƏLƏR

SEÇİLMİŞ XƏBƏRLƏR

Çox oxunanlar