Contact Us

SON XƏBƏRLƏR

İrandan Vaşinqtona “Vyetnam, Əfqanıstan” təhdidi

2025.05.24, 11:22
İrandan Vaşinqtona “Vyetnam, Əfqanıstan” təhdidi

İtaliya paytaxtında Amerika ilə İran arasında sonuncunun nüvə proqramı ilə bağlı sayca 5-ci danışıqlar keçirildi.

Gunaz.tv

Məsləhətləşmələr Oman səfirinin iqamətgahında keçirilib. Danışıqlarda vasitəçi qismində Omanın xarici işlər naziri Bədr əl-Busaidi çıxış edib.

İran Xarici İşlər Nazirliyi bu danışıqlarda əsas məqsədin ABŞ-ın daim dəyişən mövqeyini aydınlaşdırmaq olduğunu bildirib.

Vaşinqton əvvəlcə maksimum 3,67 faiz zənginləşdirmə səviyyəsinə razılaşdı (2015-ci il nüvə sazişində nəzərdə tutulan eyni şərtlər, lakin ABŞ-ın 2018-ci ildə sazişdən çıxması səbəbindən İran zənginləşdirmə səviyyəsini 60 faizə qədər çatdırıb), lakin indi bütünlüklə uranın zənginləşdirilməsindən imtina tələb edir. Tehran bu təklifi rədd etdi, çünki bu, onu sənaye və tibbi məqsədlər üçün istifadə edilən nüvə proqramını məhdudlaşdırmağa məcbur edəcək.

İran və Amerika arasında danışıqların birinci raundu aprelin 12-də Maskatda, ikincisi aprelin 19-da Romada, üçüncü və dördüncüsü aprelin 26-da və yenidən Omanın paytaxtında mayın 11-də keçirilib.

Romadakı danışıqlarla eyni gündə İran Silahlı Qüvvələrinin Baş Qərargahı Amerikanı Yaxın Şərqdə “yeni Vyetnam və Əfqanıstan”la hədələyib:

“Amerika daha bir yanlış hesablama aparır və onun yalançı prezidenti Yaxın Şərqə səfər edərək, İranın dost ölkələrini ona qarşı yönəldir. Məqsəd bu ölkələrdən milyardlarla dollar mənimsəməklə, öz iqtisadi çətinliklərini yüngülləşdirmək və daxili problemləri həll etməklə məhv olmuş iranofobiyanı dirçəltməkdir.

Lakin Amerika İranın hər zaman sülhsevər siyasətinin regionda sabitliyə və təhlükəsizliyə yönəlmiş olduğunu dərk etmir. Hər hansı bir təxribat halında Amerika Vyetnam və Əfqanıstana bənzər məğlubiyyətlərə məhkumdur”.

 

 

Ş.E

Açar Sözlər :

OXŞAR XƏBƏLƏR

SEÇİLMİŞ XƏBƏRLƏR

Çox oxunanlar