Contact Us

SON XƏBƏRLƏR

Vaşinqton-Tehran altıncı danışıqlar raundu baş tutmaya bilər

2025.06.03, 10:00
Vaşinqton-Tehran altıncı danışıqlar raundu baş tutmaya bilər

Amerika və İranın nüvə sazişi üzrə altıncı danışıqlar raundunun keçirilməsi imkanı sual altına düşüb.

Gunaz.tv

Bu barədə CNN mənbələrə istinadən məlumat yayıb.

Telekanalın məlumatına görə, Tehran Vaşinqtonun təklifini “qeyri-realist və həddindən artıq tələblər ehtiva edən” hesab edir.

Adı açıqlanmayan İran rəsmisi qeyd edib ki, amerikalılar daim öz mövqelərini dəyişirlər. İndiyədək bu, danışıqların uğuruna gedən yolda əsas maneə olub, indi isə bu işi hər zamankından daha çətin edir.

Bundan başqa, o, Amerika təklifinin tərəflər arasında əvvəllər əldə edilmiş razılaşmalarla ziddiyyət təşkil etdiyinə diqqət çəkib.

Daha əvvəl Amerika Prezidenti Donald Tramp özünün “Truth Social” səhifəsində yazmışdı ki, Vaşinqton İranın nüvə proqramı ilə bağlı potensial saziş çərçivəsində Tehranın uranı zənginləşdirməsinə icazə verməyəcək.

Xatırladaq ki, İranın nüvə proqramı üzrə beşinci danışıqlar raundu mayın 23-də Romada keçirilmişdi. Müzakirələrin nəticələrinə görə, danışıqlar prosesində vasitəçi funksiyasını yerinə yetirən Oman xarici işlər naziri Bədr əl-Busaidi Amerika və İranın “müəyyən, lakin yekun olmayan irəliləyişə” nail olduqlarını açıqlamışdı.

GünazTV

Açar Sözlər :

OXŞAR XƏBƏLƏR

SEÇİLMİŞ XƏBƏRLƏR

Çox oxunanlar