Contact Us

SON XƏBƏRLƏR

Elçin Əmirbəyov: "Orta dəhliz Azərbaycanı qlobal nəqliyyat mərkəzinə çevirir"

2025.06.03, 13:23
Elçin Əmirbəyov: "Orta dəhliz Azərbaycanı qlobal nəqliyyat mərkəzinə çevirir"

Azərbaycan Respublikası Prezidentinin Xüsusi Tapşırıqlar üzrə nümayəndəsi Elçin Əmirbəyov İspaniyanın aparıcı media qurumlarından olan EFE Agentliyinə müsahibə verib.

Gunaz.tv

Günaz TV "Musavat.com"a istinadən xəbər verir ki, müsahibə zamanı Elçin Əmirbəyov Azərbaycan və Avropa Birliyi arasındakı münasibətlərin mövcud vəziyyəti və tərəflər arasındakı əlaqələrin gücləndirilməsi istiqamətində son zamanlar atılan önəmli addımlar, Azərbaycan və Ermənistan arasındakı sülh və normallaşma prosesi, eləcə də Orta Dəhlizin Avropa və Asiya üçün yaratdığı yeni iqtisadi imkanlar ətrafında jurnalistin suallarını cavablandırıb.

Müsahibədə Azərbaycanın həm coğrafi mövqeyinə, həm də son illərdə artan siyasi çəkisinə görə regionda açar dövlət hesab edildiyi, ölkənin nəqliyyat və əlaqələndirmə mərkəzi olmaqla yanaşı, Orta Dəhlizin fəaliyyətində önəmli və qaçılmaz mərkəzinə çevrildiyi qeyd olunub.

 

“Neft və qaz kəmərləri və dəmir yolu də daxil olmaqla əsas kommunikasiya xətləri Mərkəzi Asiyadan Azərbaycan vasitəsilə Gürcüstan və Türkiyəyə keçərək, oradan da Qərb bazarlarına keçir. Bu Şərqi Asiya ilə Qərbi Avropa arasında ən qısa, ən sərfəli və dayanıqlı marşrut kimi hamı tərəfindən qəbul edilib”, - deyə E.Əmirbəyov qeyd edib.

E. Əmirbəyov müsahibəsində həmçinin, Azərbaycan və Ermənistan arasında sülh və normallaşma prosesinin vacibliyini vurğulayaraq, hazırda tərəflər arasında sülh sazişinin imzalanması üçün tarixi fürsət yarandığını qeyd edib. O, mart ayında sülh sazişi layihəsi üzrə danışıqların tamamlandığını, sazişin imzalanacağı təqdirdə uzunçəkən qarşıdurmanın geridə qalacağını və Cənubi Qafqaz regionun sabitlik və inkişaf məkanına çevriləcəyinə və region ölkələrinin iqtisadi inteqrasiyasına vacib töhfə verəcəyini deyib. E.Əmirbəyov həmçinin, sazişin imzalanmasına maneələrdən də söz açıb. Sülh sazişinin məzmunu və ruhuna zidd olan məqamlar, ələlxüsus Ermənistan Respublikasının konstitusiyasında Azərbaycan Respublikasına qarşı ərazi iddialarının mövcudluğu vurğulanıb və bu Konstitutsiyada həmin ziddiyyətlərin aradan qaldırılmasının zəruri və qaçılmaz olduğunu qeyd edilib.

 

C

Açar Sözlər :

SEÇİLMİŞ XƏBƏRLƏR

Çox oxunanlar