Contact Us

SON XƏBƏRLƏR

Amerika konqresmeni: Dronlara qarşı kifayət qədər müdafiə vasitələrimiz yoxdur

2025.06.09, 11:30
Amerika konqresmeni: Dronlara qarşı kifayət qədər müdafiə vasitələrimiz yoxdur

Amerika Silahlı Qüvvələrinin pilotsuz uçuş aparatlarına (PUA) qarşı kifayət qədər müdafiə vasitələri yoxdur.

Gunaz.tv

Bunu "Fox News" telekanalına Amerika Konqresinin Nümayəndələr Palatasının üzvü Maykl Makkol deyib.

“Pilotsuz uçuş aparatlarının qarşısını almaq üçün əks tədbirlərimiz yoxdur və biz onları hazırlamalıyıq, çünki gələcəkdə müharibə belə olacaq”, - o deyib.

"Səmada getdikcə daha çox pilotsuz uçuş aparatları var, onlar minlərlə, artıq milyonlarladır. Düşünürəm ki, Pentaqon müasir hərbi texnologiyaların inkişafına daha çox vəsait ayırmalı və pulları İkinci Dünya Müharibəsinin qalıqları kimi bir növ "dinozavrlara" çevrilmiş köhnə gəmilərə xərcləməməlidir. Əlbəttə, onlara ehtiyacımız var, lakin biz süni intellekt texnologiyalarına diqqət yetirməliyik", qanunverici əlavə edib.

İyunun 6-da Amerika Prezidenti Donald Tramp pilotsuz uçuş aparatlarının istehsalının artırılması və müasir dronlardan qorunma ilə bağlı fərmanlar imzalayıb. Bununla bağlı Ağ Evin açıqladığı sənədlərdə qeyd olunur ki, bu gün dronlar "cinayətkarlar, terrorçular və düşmən xarici subyektləri texnologiyalardan getdikcə daha çox istifadə etdikləri üçün artan təhlükə yaradır".

 

C

Açar Sözlər :

SEÇİLMİŞ XƏBƏRLƏR

Çox oxunanlar