Contact Us

SON XƏBƏRLƏR

Rusiya İranın tərəfini tutdu

2025.06.21, 10:47
Rusiya İranın tərəfini tutdu

İran nüvə texnologiyalarından dinc məqsədlər üçün istifadə etmək hüququna malikdir və Moskva Tehrana sülh xarakterli atom enerjisinin inkişafında yardım göstərməyə hazırdır.

Gunaz.tv

Bunu Rusiya Prezidenti Vladimir Putin “Sky News Arabia” telekanalına müsahibəsində bildirib.

Onun sözlərinə görə, İranın nüvə texnologiyasından dinc məqsədlər üçün istifadə proqramları hüququ var: "Rusiya dinc nüvə enerjisinin inkişafında İrana “əvvəlki illərdə olduğu kimi lazımi yardım və dəstəyi” göstərməyə hazırdır"

Putin qeyd edib ki, Rusiya nüvə silahının yayılmaması ilə bağlı mövqeyinə sadiq qalır.

“Rusiya Federasiyasının mövqeyi ondan ibarətdir ki, biz kütləvi qırğın silahlarının dünyanın istənilən ölkəsinin, o cümlədən İranın hesabına yayılmasının əleyhinəyik”.

O vurğulayıb ki, Beynəlxalq Atom Enerjisi Agentliyində İranın nüvə silahı yaratmaq cəhdləri barədə məlumat yoxdur: "İran dəfələrlə bəyan edib ki, nüvə silahı yaratmaq niyyətində deyil. BAEA-da da nüvə silahının yaradılmasına dair heç bir əlamət və buna dair heç bir sübut yoxdur".

Putin onu da deyib ki, İranda bu ölkənin nüvə silahına malik olmasını qadağan edən fətva böyük əhəmiyyət kəsb edir.

 

C

Açar Sözlər :

OXŞAR XƏBƏLƏR

SEÇİLMİŞ XƏBƏRLƏR

Çox oxunanlar