Trampın İrana 14 gün verməsi Amerikanın qüvvələrinin Ön Asiyaya toplaşması üçün gərəkli olan vaxtdır

SON XƏBƏRLƏR

Trampın İrana 14 gün verməsi Amerikanın qüvvələrinin Ön Asiyaya toplaşması üçün gərəkli olan vaxtdır

2025.06.21, 13:04

Trampın İrana 14 gün verməsi Amerikanın qüvvələrinin Ön Asiyaya toplaşması üçün gərəkli olan vaxtdır.

Gunaz.tv

Amerikanın regiondakı qüvvələrinin keçmiş komandanı David Petreus deyib.

"İki həftəlik pəncərənin arxasındakı əsl səbəb Amerikanın ikinci təyyarədaşıyan zərbə qrupunun bölgəyə gəlməsinə və Amerika ordusunun tam mövqelənməsi üçün vaxt qazanmaqdır." - deyə o bildirib.

Onun sözlərinə görə, Amerika ordusunun bu yerdəyişmələri İranın Hörmüz boğazını bağlamaq cəhdlərini taç şəkildə neytrallaşdıracaq. Xatırladaq ki, bu boğazdan dünyadakı xam neftin, təxminən, 20%-i keçir. İnqilab Keşikçiləri Korpusunun yüksək rütbəli komandiri İsmayıl Kövsəri İranın İsrailin hərəkətlərinə cavab olaraq körfəzi bağlamaq haqqında düşündüyünü demişdi.

Petreus bildirib ki, İranın mərkəzində dağın dərinliklərində basdırılmış Fordo zənginləşdirmə mərkəzi ilk dəfə onun 2009-cu ildə CENTCOM komandanı olduğu dövrdə üzə çıxıb.

“Biz İranın nüvə infrastrukturunu hədəf alan bir zərbə planı hazırlamışıq və sınaqdan keçirmişik. Biz missiyanın uğurla yerinə yetirilməsini təmin etmək üçün təlimlərdə gerçək sursatlardan istifadə etdik və təlim uğurlu olduş.” - deyə o bildirib.

Qeyd edək ki, indi, gərginlik artdıqca, Fordo kritik bir narahatlıq olaraq qalır.

"Əsas sual obyekti məhv etmək üçün bir bombanın kifayət edib-etməməsidir, kifayət etməsə iki, üç bomba və daha çox vaxt lazım olacaq. Mən qəti şəkildə inanıram ki, Birləşmiş Ştatlar hətta 30.000 funt-sterlinqlik "bunker buster" bombasını işlətmədən də bu missiyanı yerinə yetirə bilər. Alternativ silahlar var və bütün bunlar açıq şəkildə sənədləşdirilir." - Petreus əlavə edib.

Petreus İran rəhbərliyini anın ciddiliyini dərk etməyə çağırıb.

“Nüvə proqramından imtina etməklə razılaşmamaq, uranın zənginləşdirilməsini davam etdirmək və BAEA müfəttişlərini ölkədən çıxarmaq bir mənalı strateji qazanc əldə etmədən yalnız məhvə gətirib çıxaracaq.” - deyə o bildirib.

- Cəfər Cəfərli

GUNAZ.TV

SON XƏBƏRLƏR