Contact Us

SON XƏBƏRLƏR

Kreml: İranın Amerikanın zərbələrinə cavabı Putin-Araqçı görüşündə qaldırılmayıb

2025.06.24, 13:58
Kreml: İranın Amerikanın zərbələrinə cavabı Putin-Araqçı görüşündə qaldırılmayıb

Kreml atəşkəs danışıqlarının təfərrüatlarına malik olmadığı üçün İsraillə İran arasında zərbə mübadiləsinin tamamilə dayandırıldığını proqnozlaşdıra bilməz

Gunaz.tv

Günaz TV APA-ya istinadən xəbər verir ki, bunu Rusiya prezidentinin mətbuat katibi Dmitri Peskov bildirib.

"Anladığımız qədər, Qətərin vasitəçiliyi ilə təmaslar, Amerika prezidenti ilə onun bir sıra həmkarları arasında Yaxın Şərqdə təmaslar olub. Biz bütün təfərrüatları sona qədər bilmirik, ona görə də burada heç nə deyə bilmərik",Kremlin sözçüsü vurğulayıb.

Peskov xatırladıb ki, Rusiya əvvəldən problemin həlli üçün hərbi üsulları istisna etməyə çağırıb.

Kreml rəsmisi Rusiyanın Yaxın Şərqdəki münaqişə ilə bağlı aydın mövqeyi ilə İranı dəstəklədiyini də söyləyib: "Əlbəttə, biz İranla münasibətlərimizi daha da inkişaf etdirmək niyyətindəyik. Bu müzakirələr, əlbəttə ki, olub və olacaq, bu qaçılmazdır".

Peskov bir gün əvvəl Kremldə Rusiya prezidenti Vladimir Putinlə İranın xarici işlər naziri Abbas Araqçi arasında baş tutan danışıqlar barədə də danışıb. Onun sözlərinə görə, söhbət zamanı İranın Amerikanın zərbələrinə reaksiyası mövzusu qaldırılmayıb:"Bu müzakirə olunmayıb".

Kreml sözçüsü xatırladıb ki, Araqçi ilə dünənki görüşdən əvvəl İrandan bir çox bəyanatlar, o cümlədən rəsmi səviyyədə Amerikaya cavabın mütləq veriləcəyinə dair bəyanatlar səslənib.

 

C

Açar Sözlər :

OXŞAR XƏBƏLƏR

SEÇİLMİŞ XƏBƏRLƏR

Çox oxunanlar