Contact Us

SON XƏBƏRLƏR

İran və Amerikanın mümkün danışıqlarının vaxtı açıqlanıb

2025.07.08, 10:28
İran və Amerikanın mümkün danışıqlarının vaxtı açıqlanıb

Amerika-İran danışıqları böyük ehtimalla gələn həftə baş tutacaq.

Gunaz.tv

Bunu Amerika liderinin xüsusi nümayəndəsi Stiven Uitkoff Ağ Evdə İsrailin Baş naziri Binyamin Netanyahu ilə görüşündə bildirib.

"Bu görüş çox yaxında baş tutacaq. Ola bilsin, gələn həftə", - o deyib.

Amerika Prezidenti Donald Tramp da öz növbəsində İranın “görüş xahiş etdiyini” bildirib və danışıqların nəyisə kağız üzərində qoymaqla nəticələnəcəyi təqdirdə, “bu, yaxşı olardı” - deyib. Amerika liderinin sözlərinə görə, İslam Respublikası ilə danışıqlarda o qədər də xüsusi məna görmür, çünki Amerika onun nüvə proqramını məhv edib.

"Bu baş verəndə (Amerika İranın nüvə obyektlərinə zərbələr endirəndə - red.) mən müzakirələrin nədən ibarət olduğunu soruşdum. Düşünürəm ki, onların bizə hörməti var, İsrailə də hörməti var. Onlar görüşmək istəyirlər, biz də görüşəcəyik", - Tramp əlavə edib.

Amerika rəhbəri həmçinin bildirib ki, Vaşinqton çətin ki, yenidən İrana qarşı hərbi güc tətbiq etsin. "Ümid edirəm, biz bunu etmək məcburiyyətində qalmayacağıq. Təsəvvür edə bilmirəm ki, biz bunu etmək istəyəcəyik", - Amerika Prezidenti qeyd edib.

 

C

Açar Sözlər :

SEÇİLMİŞ XƏBƏRLƏR

Çox oxunanlar