İran rəsmiləri danışıqlarla bağlı zidiyyətli bəyanatlar verir

SON XƏBƏRLƏR

İran rəsmiləri danışıqlarla bağlı zidiyyətli bəyanatlar verir

2025.07.08, 18:29

ABŞ ilə İran arasında yaxın günlərdə Tehranın nüvə proqramı ilə bağlı danışıqlarının keçiriləcəyi haqda məlumatlar yayılıb.

Gunaz.tv

Bununla bağlı ABŞ tərəfi açıqlamalar verib və rsmi Tehranın danışıqlara hazır olduğunu bildirib.

Buna baxmayaraq, İran rəsmiləri məsələ ilə bağlı zidiyyətli açıqlamalar veriirlər.

İran Xarici İşlər Nazirliyinin sözçüsü İsmayıl Bəqai ABŞ-dən danışıqlara dair heç bir mesaj almadıqlarını iddia edib.

Ondan qısa müddət sonra İran Xarici İşlər Nazirliyinin Siyasi və Beynəlxalq Araşdırmalar Mərkəzinin rəhbəri, nazir müavini Səid Xətibzadə həmkarını təkzib edən bəyanat yayıb.

“Son günlərdə amerikalılardan danışıqlar masasına qayıtmaqda maraqlı olduqlarına dair mesajlar aldıq”,- o bildirib.

Xəyibzadə danışıqların başlaması və uğurlu olması üçün etimadın yaradılması və lazımi şəraitin təmin edilməsinin vacibliyini vurğulayıb.

Qeyd edək ki, bu, İran Prezidenti Məsud Pezeşkianın ABŞ ilə bağlı açıqlamasından 1 gün sonraya təsadüf edir.

O, İranda səsləndirilən "Amerikaya ölüm" şüarının ABŞ xalqı və rəsmilərinə qarşı olmadığını deyib.

Prezidentin açıqlamasının və Xətibzadənin bəyanatının, danışıqların baş tutmayacağı təqdirdə rəsmi Tehranın İsrailin İrana yenidən hücum edəcəyindən ehtiyatlandığına dəlalət edir.

GünazTV

GUNAZ.TV

SON XƏBƏRLƏR