Contact Us

SON XƏBƏRLƏR

Netanyahu: İsrail Qəzzada diplomatiyaya razıdır, ancaq güc tətbiqinə hazırdır

2025.07.11, 11:00
Netanyahu: İsrail Qəzzada diplomatiyaya razıdır, ancaq güc tətbiqinə hazırdır

İsrail Qəzza zolağında münaqişənin diplomatik yolla həllinə razıdır.

Gunaz.tv

Günaz TV Report-a istinadən xəbər verir ki, bunu baş nazir Benyamin Netanyahu ABŞ-yə səfəri zamanı deyib.

Netanyahu vurğulayıb ki, İsrail anklavda 60 günlük atəşkəsə razıdır, lakin tam demilitarizasiyada və Fələstinin radikal HƏMAS hərəkatının sektorda hakimiyyətdən uzaqlaşdırılmasında israrlıdır. Baş nazir bildirib ki, diplomatiya nəticə verməsə, İsrail bu məqsədinə hərbi yolla nail olmaq niyyətindədir. O qeyd edib ki, iyulun 9-da Qəzzada saxlanılan girovların bir qrup qohumu ilə ABŞ-dəki görüşdə bu mövqeyini açıqlayıb.

“Biz bütün oğurlanmış insanları geri qaytarmaqda qərarlıyıq, bu barədə onlara dedim. Onlara dedim ki, biz indi 60 günlük atəşkəs müqabilində diri və ölü girovların yarısını azad etməyə çalışırıq. Atəşkəsin əvvəlində biz müharibənin daimi dayandırılması, yəni daimi atəşkəs haqqında danışıqlara başlayacağıq. Buna nail olmaq üçün irəli sürdüyümüz minimum şərtləri yerinə yetirmək lazımdır: HƏMAS silahı yerə qoyur, Qəzza silahsızlaşdırılır, HƏMAS-ın daha idarəetmə və ya hərbi potensialı olmur. Bunlar bizim əsas şərtlərimizdir", - o deyib.

"Əgər buna danışıqlarda nail olsaq, yaxşıdır. Əgər 60 gündən sonra danışıqlarda buna nail olunmasa, biz qəhrəman ordumuzun gücündən istifadə edərək, buna başqa yollarla nail olacağıq", - Netanyahu əlavə edib.

O xatırladıb ki, oxşar yanaşma bu yaxınlarda Tehranın nüvə proqramı ilə bağlı danışıqlara 60 gün vaxt ayıran Amerika tərəfindən də istifadə olunub və iyunun 13-də İsrail İrana qarşı 12 günlük hərbi əməliyyata başlayıb. "Biz eyni şeyi İran və nüvə təhlükəsinin aradan qaldırılması ilə bağlı dedik. Düşünürəm ki, bütün məqsədlərimizə çatmaq üçün qətiyyətimizi, gücümüzü və öhdəliyimizi nümayiş etdirmişik. Bir daha: demilitarizasiya və HƏMAS potensialının danışıqlar yolu ilə məhv edilməsinə nail olunsa, daha yaxşıdır. Amma hər halda, bunlara nail olunacaq", - Netanyahu əminliyini bildirib.

 

C

Açar Sözlər :

SEÇİLMİŞ XƏBƏRLƏR

Çox oxunanlar