İran Prezidenti xaricdəki iranlılara müraciət etdi

SON XƏBƏRLƏR

İran Prezidenti xaricdəki iranlılara müraciət etdi

2025.07.15, 14:26

İran Prezidenti Məsud Pezeşkian xaricdə yaşayan iranlıları hökumətlə əl-ələ verib və problemləri birlikdə həll etməyə çağırıb.

Gunaz.tv

Bu haqda İran mətbuatı məlumat yayıb.

"Biz diplomatiya və konstruktiv fəaliyyətin tərəfdarıyıq, müharibənin əleyhinəyik və ölkəni müharibədən uzaq tutmaq üçün bütün siyasi və diplomatik resurslardan istifadə edəcəyik. Biz əl-ələ verib ölkənin başı ucalığı üçün çalışmalıyıq",- o əlavə edib.

Başçılıq etdiyi hökumətin üfüqləri genişləndirmək, diplomatiyanın qapılarını açmaq üçün səylərini əsirgəməyəcəyini deyən Pezeşkian, çağırışını təhdid mesajı ilə yekunlaşdırıb:

"Düşmənlər bilsinlər ki, xalqımız sülhsevər olsa da, heç bir şəkildə təslim olmağı qəbul etmir".

Qeyd edək ki, bir müddət əvvəl yayılan xəbərlərə görə, İran Xarici İşlər və Kəşfiyyat və Təhlükəsizlik Nazirliyində (ETTELAAT) xaricdə yaşayan iranlı müxaliflərlə bağlı olan bölmələr yenidən fəallaşdırılıb.

İki nazirliyin tabeliyində olan bölmələr müxtəlif ölkələrdə yaşayan müxaliflərə İran pasportlarının və ölkəyə get-gəllərinin bərpası istiqamətində yardım etmək üçün müvafiq ölkələrdəki səfirlik və konsulluqlara göstərişlər verilib.

Bununla yanaşı xaricdə hökumətə bağlı şirkət və iş adamlarının da iranlılarla əlqələrin qurlması, onların cəlb edilməsi üçün tapışırıqlar verildiyi iddia olunub.

Bu, Əliəkbər Rəfsəncani, Məhəmməd Xatəmi və Həsən Ruhaninin prezidentliyi dövründə də təcrübə edilib, İranla əlaqələri bərpa olunan şəxslərin bir qismi sonradan hakimiyyətin xaricdəki təbliğatçıları kimi çıxış ediblər.

Onların arasında xüsusən sol cərəyana mənsub tanınmış siyasi şəxslər də var.

GünazTV

GUNAZ.TV

SON XƏBƏRLƏR