Macarıstan parlamentinin millət vəkilləri Xocalı soyqırımı ilə bağlı bəyanatla çıxış ediblər

SON XƏBƏRLƏR

Macarıstan parlamentinin millət vəkilləri Xocalı soyqırımı ilə bağlı bəyanatla çıxış ediblər

2021.10.20, 07:36

Gunaz.tv

GünAz TV: Macarıstan parlamentinin bir qrup millət vəkili Xocalı soyqırımının 20-ci ildönümü münasibətilə bəyanatla çıxış ediblər.

Bəyanatı Macarıstan-Azərbaycan parlamentlərarası dostluq qrupunun sədri, parlamentin beynəlxalq işlər komissiyasının sədr müavini Marton Dendeşi imzalayıb. Bu barədə Azərbaycanın Macarıstandakı səfirliyindən Trend-ə məlumat verilib.

Bəyanatda Ermənistanın Azərbaycana qarşı yürütdüyü təcavüz, ermənilərin Xocalıda dinc əhaliyə qarşı qətliyam haqqında geniş məlumat öz əksini tapıb.

"Beynəlxalq hüquq normalarına əsasən, Ermənistan etnik təmizləmə aparmaqla cinayət törədib. Bu erməni təcavüzü BMT (Birləşmiş Millətlər Təşkilatı) Təhlükəsizlik Şurasını 1993-cü ildə dörd qətnamə qəbul etməyə vadar edib ki, bu qətnamələrdə beynəlxalq hüquq normalarının daim pozulması pislənir, münaqişənin qısa zamanda sülh yolu ilə həll olunması üçün Ermənistandan öz qoşunlarını qeyd-şərtsiz işğal altında olan ərazilərdən çıxarmaq tələb olunur. O vaxt dünya mətbuatı beynəlxalq hüquq normalarına görə soyqırımı anlayışına tam uyğun gələn, ermənilər tərəfindən törədilmiş bu cinayəti geniş işıqlandırıb. Lakin bu günə kimi ciddi dəyişiklik baş verməyib. Dünya ictimaiyyətinin digər soyqırımı hallarından fərqli olaraq Azərbaycan xalqının başına gələn faciəni yada salmaması, bir milyondan artıq azərbaycanlının problemlərinin hələ də həll olunmamasına diqqət yetirməməsi ədalətsizlikdir. Biz Azərbaycana ədalətli münasibət tələb edirik" bəyanatda deyilir. N.S

GUNAZ.TV

SON XƏBƏRLƏR