Amerikadan erməni daşnaklarına şok zərbə!

SON XƏBƏRLƏR

Amerikadan erməni daşnaklarına şok zərbə!

2021.10.20, 07:36

Gunaz.tv

GünAz TV: ABŞ-ın (Amerika Birləşmiş Ştatları) Federal Apellyasiya Məhkəməsi (dadqahe təcdide nəzər) 1915-ci ildə Türkiyədə baş vermiş hadisələrin "erməni soyqırımı" kimi dəyərləndirilməsi və bu hadisələrdə zərərçəkmişlərin nəticələrinə təzminatların ödənilməsi tələbləri ilə bağlı iddiaları tamamilə əsassız sayıb.

Milli.Az "Associated Press"ə istinadən bildirir ki, San-Fransisko şəhərindəki 9-cu Apellyasiya Məhkəməsi Kaliforniya ştatında (əyalət) 11 il əvvəl qəbul edilən, 1915-ci il hadisələrində ölmüş ermənilərin varislərinə sığorta şirkətlərinə qarşı maddi təzminat iddiaları ilə çıxış etmək hüququ verən qərarı da ləğv edib. Bundan belə, Kaliforniya ştatında heç bir məhkəmə özlərini uydurma "erməni soyqırımı qurbanlarının varisləri" kimi təqdim edən şəxslərin sığorta şirkətlərinə qarşı iddialarını qəbul etməməlidir.

«The Washington Post» bildirir ki, Federal Apellyasiya Məhkəməsinin 11 nəfərlik hakim heyətinin 10-nun lehinə səs verdiyi qərarda habelə, ermənilərin Almaniyanın "Munich Re AG" sığorta şirkətinə qarşı qaldırdıqları iddialar əsasında başlanmış məhkəmə prosesi (sürəc) də ləğv olunub.

Məhkəmənin qərarında bildirilir ki, xarici ölkələrin şirkətlərinin ABŞ ərazisində məhkəməyə verilməsi ilə bağlı səlahiyyət yalnız federal hökumətə məxsusdur.

"ABŞ Konstitusiyasına (Anayasa) görə, ölkəmizin xarici əlaqələrdəki siyasətini və münasibətlərini yalnız federal hökumət müəyyənləşdirə bilər. Xarici siyasət doktrinamıza görə, bu fövqəladə səlahiyyətə müdaxilə edən ştat məhkəmələrinin cəhdləri və qərarları heç bir halda legitim (qanuni, məşru) sayıla bilməz", - qərarda deyilir.

Ekspertlərin (karşünaslar) fikrincə, ABŞ-ın Federal Ali Məhkəməsi məsələ ilə bağlı yekun (nəhayi) mövqeyini açıqlayana qədər San-Fransisko Federal Apellyasiya Məhkəməsinin sözügedən qərarı Birləşmiş Ştatlar ərazisində ermənilərin qondarma "soyqırım"la bağlı Türkiyəyə və müxtəlif ölkələrin sığorta şirkətlərinə qarşı maddi təzminat iddialarına nöqtə qoyan qərar sayılır. N.S

GUNAZ.TV

SON XƏBƏRLƏR