Axios-un hesabatı: Hərbi təhdiddən əvvəl son diplomatik fürsət

SON XƏBƏRLƏR

Axios-un hesabatı: Hərbi təhdiddən əvvəl son diplomatik fürsət

2026.02.23, 08:09

Gunaz.tv

ABŞ-ın “Axios” xəbər saytı yüksək vəzifəli Amerika rəsmilərinə istinadən yazıb ki, İranla aparılan hazırkı danışıqlar Vaşinqtonun genişmiqyaslı hərbi əməliyyata başlamasından əvvəl son diplomatik fürsət ola bilər. Məlumata görə, mümkün hərbi əməliyyat İran rəhbəri Əli Xameneini də hədəf ala bilər.

Hesabatda bildirilir ki, ABŞ danışıqlar heyəti İran tərəfindən növbəti 48 saat ərzində dəqiq və detallı təklif təqdim ediləcəyi təqdirdə, cümə axşamı Cenevrədə yeni danışıqlar raundu keçirməyə hazırdır.

“Axios” əlavə edir ki, Donald Trampın bəzi müşavirləri — o cümlədən Stiv Uitkoff və Cared Kuşner — ona hücum əmri verməzdən əvvəl diplomatiyaya imkan yaradılmasını tövsiyə ediblər. Tehran tərəfindən təklif göndəriləcəyi halda, onların 7 Esfand tarixində Cenevrədə keçiriləcək görüşdə iştirak etməsi planlaşdırılır.

ABŞ rəsmilərindən biri həmçinin bildirib ki, tərəflər hərtərəfli nüvə sazişinə nail olmadan əvvəl müvəqqəti razılaşma imkanını da müzakirə edə bilərlər.

Güney Azərbaycan üzrə bəzi siyasi müşahidəçilərin fikrincə, bu hesabat ABŞ və İran arasında gərginliyin ən yüksək həddə çatdığını göstərir. Danışıqlar nəticəsiz qalacağı təqdirdə, Vaşinqtonun hərbi variantı nəzərdən keçirməsi istisna edilmir. İranın qarşıdakı 48 saat ərzində konkret və rəsmi təklif təqdim etməsi həlledici mərhələ kimi qiymətləndirilir.

GünAzTV
R.G

GUNAZ.TV

SON XƏBƏRLƏR