İranlı ruhani hicab məsələsi və peyk antenaları ilə bağlı maraqlı çıxış edib

SON XƏBƏRLƏR

İranlı ruhani hicab məsələsi və peyk antenaları ilə bağlı maraqlı çıxış edib

2021.10.20, 07:36

Gunaz.tv

GünAz TV: Qum dini dairəsinin axundu Seyid Məhəmmədəli Ayazi jurnalistlərə açıqlamasında hicab məcburiyyəti və peyk antenalarına (mahvarə) qoyulan qadağadan danışıb.

GünAz TV mətbuat mərkəzinin “Media forum”a istinadən yaydığı məlumata görə, axund deyib ki, bir şeyə qoyulan qadağa ona marağı qat-qat artırır və bu qadağaların mənası yoxdur: “Hazırda ölkədə peyk antenalarına qadağa qoyublar. Bunun üçün bir sıra ruhanilərin təsdiqini də alıblar. Halbuki peyk antenalarına qadağa qoyulması barədə hüquqi sənəd yoxdur. Belə üsullar yalnız insanda qadağan olunmuş şeyə marağa artırır.

Şəxsən mən iki televiziya kanalı tamamilə seksə həsr olunmuş Türkiyə əhalisini İran əhalisi ilə müqayisədə əxlaq prinsiplərinə (əsl, ilkə) daha sadiq gördüm. Bu gün Türkiyə kimi ölkələrdə hicaba maraq gündən-günə artır, İranda isə hətta mömin və dindar ailələrdə bu maraq getdikcə azalır. Bu gün ölkədə elə bir vəziyyət yaranıb ki, hakimiyyətdə vəzifə sahibi olanların ailələrində də dövlət teleradiosundan yayılan xəbərlərə etibar etmir, gedib xəbərləri xarici media və televiziyalardan alırlar. Dövlət teleradio rəsmiləri öz aralarındakı xüsusi iclaslarda bunu etiraf edir, mövcud vəziyyətdən narahat olduqlarını dilə gətirirlər”. N.S

GUNAZ.TV

SON XƏBƏRLƏR