GÜNEY AZƏRBAYCANIN TORPAQ BÜTÜNLÜYÜNƏ QARŞI

FEDERAL İRAN KONQRESI ADI ALTINDA KÜRD TERROR TƏŞKILATLARININ TƏXRIBATI İLƏ BAĞLI GÜNEY AZƏRBAYCAN MİLLİ AZADLIQ CƏBHƏSİNİN RƏSMI MÖVQEYI Yenə də Federal İran Kongresi adı altında fəaliyyət göstərən və  kürt terror təşkilatlarının maraqlarına xidmət edən bir qurumda Azərbaycan türklərinin əzəli torpaqları olan Qərbi Azərbaycan bölgəsinə qarşı ərazi iddialarının gündəmə gətirilməsi və bu qurumun rəsmi saytında Güney Azərbaycanın ərazi bütövlüyünə kölgə salan bir xəritənin yerləşdirilməsi Azərbaycan türkünə, onun tarixi torpaqlarına qarşı aparılan təxribat planlarının bir parçasıdır. Təsadüfi deyil ki, zaman-zaman kürd terrorçu təşkilatları Azərbaycan türkünə olan düşmənçiliyini müxtəlif   ad altında bu kimi çirkin fəaliyyətləri ilə ortaya qoymuşlar. Bu təxribatın arxasında ən çox fəal olan terrorçu təşkilatlardan biri İran Kürdistan Demokrat partiyasıdır ki, bu kimi davranışları ilə hələ də açıq və gizli formada öz iddialarını davam etdirir. Beləliklə, millətlərin milli və demokratik haqlarının qorunması şüarı ilə fəaliyyət göstərən Federal İran Konqresi əslində kürd təşkilatlarının siyasi platformunda yer alan anti-azərbaycan siyasətini həyata keçirən bir təşkilatdır. Bu təşkilatın rəsmi saytında dəfələrlə Azərbaycanın qərb bölgəsinin kürdlərin yaşadığı ərazi kimi göstərilməsi Federal İran Konqresinin hansı məqsədlə yaradılmasını açıq şəkildə ortaya qoyur. Təəssüf ki, Federal İran Kongresinin anti-azərbaycan maraqlarına qulluq etdiyini bilərək bu qurumda fəaliyyətini davam etdirən bir sıra azərbaycanlı qurum və şəxslər, nəinki bu məqsədyönlü təxribatlara rəsmi mövqe bildirmirlər, üstəlik israrla onlarla əməkdaşlığa haqq qazandırırlar. Hətta onların bu yanlış mövqelərinə eritaz edən Azərbaycan milli təşkilat və qurumlarına qarşı  müxtəlif yersiz ittihamlar səsləndirirlər. Eyni zamanda bu günə kimi Federal İran Kongresində təmsil olunan bəzi azərbaycanlı federalçı qüvvələrin Güney Azərbaycanın sərhədlərinə qeyri-müəyyən münasibəti, əməkdaşlıq etdikləri kürt terrorçu təşkilatlarını anti-azərbaycan fəaliyyətlərində cəsarətləndirir. Zahirdə İran Federal Konqresinin fəaliyyəti millətlərin öz müqəddəratını təyin etmək və milli-demokratik haqların təmin olunması kimi tərif olunsa da, əslində bu qurumda başda Kürdistan Demokrat partiyası olmaqla digər kürd təşkilatlarının apardığı siyasət iran adlanan ölkədə qeyri-fars millətlərin vahid güc mərkəzi kimi formalaşmasına qarşıdır. Bu kimi təxribatyönlü və ikili siyasət açıq şəkildə göstərir ki, Federal İran Konqresi fars faşizminə qarşı qeyri-fars millətlərin birgə mübarizəsində maraqlı deyil. Onlar yalnız Azərbaycanın ayrılmaz hissəsi olan Qərbi Azərbaycana qarşı ərazi iddialarının gerçəkləşdirilməsi istiqamətində fəaliyyət göstərirlər.Federal İran Kongresində təmsil olunan bəzi azərbaycanlı qurum və şəxslərin bu günə kimi israrla bu təşkilatda qalmalarına təkid etmələri və bunun güya iran adlanan ölkədə federal bir yapının yaradılması üçün zəruri olduğunu vurğulamaları ayrıca təəssuf doğurur.  Digər tərəfdən bu qurumda təmsil olunan bəzi azərbaycanlı şəxslər azərbaycan türkünün milli və demokratik maraqlarına zidd olaraq fars mərkəzli qurumların düzənlədiyi oturumlarda millətimizin əleyhinə yönəlmiş bəyanatların verilməsində iştirak edirlər və farslar onların bu irançı mövqeyini Azərbaycanın mövqeyi kimi təbliğ edirlər. Halbuki, Azərbaycan türkünün apardığı milli azadllıq mübarizəsi müstəqil milli dövlətçilik və ərazi bütövlüyü uğrundadır və bunun hər hansı formada şübhə altına aparılması yolverilməzdir.  Güney Azərbaycan Milli Azadlıq Cəbhəsi milli hədəflərimiz doğrultusunda fəaliyyət göstərən qurum olaraq bildirir ki, Güney Azərbaycanın tarixi ərazi bötövlüyü toxunulmazdır və ərazilərimizə qarşı aparılan yersiz iddia və hər hansı təxribat Azərbaycan milli qüvvələrinin kəskin mövqeyi ilə cavablandırılacaq.  Biz GAMAC olaraq həm də Federal İran Kongresində təmsil olunan bəzi azərbaycanlı qurum və şəxslərdən tələb edirik ki, orada təmsil olunan Azərbaycan düşmənlərinin təxribatyönlu planlarına ciddi etiraz etsinlər və Azərbaycan millətinə qarşı savaş elan etmiş bu qurumdan tezliklə ayrılsınlar. Vətənimizə və torpaqlarımıza göz tikən, onu işğal altında saxlamağa cəhd göstərən istənilən qüvvə bilməlidir ki, biz millət olaraq Vətənimiz Azərbaycanın azadlığı və ərazi bütövlüyü yolunda düşmənə qarşı hərtərəfli mübarizə aparmağa qadirik. GÜNEY AZƏRBAYCAN MİLLİ AZADLIQ CƏBHƏSİ  22.2.2012