İran rejimi interneti girov saxlayır; parlament üzvü açıq etiraf etdi

SON XƏBƏRLƏR

İran rejimi interneti girov saxlayır; parlament üzvü açıq etiraf etdi

2026.05.22, 21:29

Tehran interneti “təhlükəsizlik” bəhanəsi ilə bağlı saxlamaqda israrlıdır.

Gunaz.tv

Gunaz TV-nin məlumatına görə, İran parlamentinin Mədəniyyət Komissiyası sədr müavini Əli Yəzdixah bildirib ki, “yuxarı qurumların” qərarına əsasən, hələlik ölkədə internetin açılmasına ehtiyac yoxdur.

O, internet məhdudiyyətlərinin davam etməsinə bəraət qazandıraraq iddia edib ki, bunun səbəbi “təhlükəsizlik riskləri və ölkə ilə şəxslərə qarşı təhdidlər”dir.

Bu açıqlama İran rejiminin 80 gündən artıqdır milyonlarla insanı qlobal internetdən faktiki olaraq məhrum etdiyi bir vaxtda verilib. Uzunmüddətli internet məhdudiyyəti ölkədə biznesə, mediaya və vətəndaşların gündəlik həyatına ciddi zərbə vurub.

Yəzdixah həmçinin iddia edib ki, xalqın ehtiyaclarının “90 faizindən çoxu” milli informasiya şəbəkəsi vasitəsilə qarşılanır. Halbuki, ölkədə onlayn fəaliyyət göstərən şirkətlər, jurnalistlər və vətəndaşlar sərbəst internetə çıxışın olmamasından ciddi zərər görür.

Eyni zamanda, yalnız seçilmiş qruplara təqdim edilən “pro internet” adlı xüsusi çıxış imkanları ölkədə rəqəmsal ayrı-seçkiliyin yeni simvoluna çevrilib. Rejimin adi vətəndaşlar üçün qapalı saxladığı internetə, imtiyazlı çevrələr üçün xüsusi yol açması tənqidləri daha da artırıb.

GünAzTV
R.G

GUNAZ.TV

SON XƏBƏRLƏR