Konqresmen Xocalı faciəsini anmağa çağırış etdi

SON XƏBƏRLƏR

Konqresmen Xocalı faciəsini anmağa çağırış etdi

2021.10.20, 07:36

Gunaz.tv

GünAz TV: ABŞ (Amerika Birləşmiş Ştatları) Konqresində Tennesi ştatının demokrat təmsilçisi Stiv Koen Nümayəndələr Palatasında Xocalı qətliamının 20-ci ildönümünü anan bəyanatla çıxış edib.

O, Konqresdəki həmkarlarını dünyanın mürəkkəb və strateji baxımdan əhəmiyyətli bölgəsində Birləşmiş Ştatların güclü müttəfiqi olan Azərbaycandakı dostlarla birlikdə Xocalı faciəsini anmağa çağırıb. Amerikalı konqresmen bildirib ki, Xocalı faciəsinin ildönümü Ermənistan-Azərbaycan, Dağlıq Qarabağ münaqişəsinin həlli üçün səylərin artırılması zərurətini xatırladır. O, öz ölkəsini, Minsk qrupunun həmsədri kimi, bu uzunmüddətli münaqişənin nizamlanması ilə ciddi məşğul olmağa çağırıb. Stiv Koen Konqresdəki həmkarlarını dünyanın mürəkkəb və strateji baxımdan əhəmiyyətli bölgəsində ABŞ-ın güclü müttəfiqi olan Azərbaycandakı dotslarla birlikdə Xocalı faciəsini anmağa çağırıb. Bildirib ki, 1992-ci il fevralın (February) 25-26-da Azərbaycanın Dağlıq Qarabağ bölgəsində yerləşən Xocalı şəhərində erməni silahlı qüvvələri tərəfindən Azərbaycan mənşəli mülki vətəndaşlara qarşı ən böyük qırğın törədilib. 7 minlik əhalisi olan Xocalı şəhəri erməni silahlı qüvvələri tərəfindən tamamilə yerlə-yeksan edilib. 106-sı qadın, 83-ü uşaq olmaqla 613 nəfər qətlə yetirilib. Onların 56-sı xüsusi qəddarlıq və işgəncə ilə öldürülüb. 1275 nəfər əsir götürülüb, 150 nəfər itkin düşüb, 76-sı azyaşlı olmaqla 487 nəfər əlil olub. 8 ailə tamamilə məhv edilib. Konqresmen deyib ki, Xocalı əhalisinin bir qismi hücum baş verən ərazidən çıxmaq istəyərkən pusquya düşüb və işgəncələrlə öldürülüb. Konqresmen ermənilər tərəfindən qadın, uşaq və yaşlı insanlara qarşı istifadə edilən zorakılıq və işgəncələri «təsviredilməz» adlandırıb. O, faciənin dəhşətli təfsilatlarını danışarkən Amerikanın «Nyusvik», «Times» jurnallarına, eləcə də Rusiyanın «Memorial» təşkilatının məlumatlarına istinad edib. N.S

GUNAZ.TV

SON XƏBƏRLƏR