Britaniya muzeyində Şah Abbasa həsr edilmiş sərgi açılıb

SON XƏBƏRLƏR

Britaniya muzeyində Şah Abbasa həsr edilmiş sərgi açılıb

2021.10.20, 07:36

Gunaz.tv

Britaniya muzeyində Şah Abbasa həsr edilmiş sərgi açılıb

Məşhur Britaniya muzeyində İran dövlətinin banisi adlandırılan Şah Abbasa həsr edilmiş ekspoziyaya tekstil, əlyzmalar, keramika əşyaları həmin dövrdə yaşanan siyasi və dini intibaha nəzər salır. BBC müxbiri Lourens Pollardın reportajını Könül Xəlilova təqdim edir. Şah Abbas İran dövlətinə 1587-1629-cu illərdə hökmranlıq etdi və öz imperiyasını dünya güclərindən birinə çevirən padşah kimi ad qazandı. Müharibələr apararaq o İran ərazilərini bir imperiyada birləşdirdi və onun dini islahatları şiə islamını dövlət dininə çevirdi. Sərgidə İranın dövlət muzeyindən gətirilmiş əşyalar nümayiş olunur. Bu eksponatların çoxu əvvəllər İrandan xaricdə göstərilməyib. Qızıl sapla toxunmuş xalçalar, zərif əlyazma şəkilləri və keramikaların dəbdəbəsindən başqa, sərginin verdiyi zövq bir də tarixlə bu gün arasındakı ironik oxşarlıqlardır. Şah Abbas öz ordusunu qurmaq üçün ingilis təyin etmişdi, öz imperiyasındakı xristian subyektlərinə əhəmiyyətli dini azadlıq vermişdi, öz düşməni olan Osmanlı türklərinə qarşı Avropa güclərilə müttəfiqlik edirdi. Abbas öz ailəsinə qarşı dəhşətli qəddarlıq edərdi, oğlanlarını öldürməklə və ya kor etməklə cəzalandırardı. Amma eyni zamanda o, bir dindar idi, yüzlərlə kilometr payi-piyada yol gedib, ziyarətgahlara baş çəkərdi, müqəddəs yerlərdə möhtəşəm məscidlər tikdirərdi. Kurator Şeyla Kanbi deyir ki, Şah Abbasın hökmranlığı və ipək ticarətindən imperiyasını maliyyə baxımından qorumaq üçün istifadə etməsi bu günlə də səsləşən faktdır: “Fakt odur ki, İranda bu gün bütün dünyanın istədiyi bir xammal var. Bugün bu məhsul neftdir, Şah Abbasın zamanında isə dəbdəbəli tekstil idi, və o, neftdən daha gözəl idi.” Sərgi yüksək rütbəli İran rəsmilərinin iştirakı və Britaniyanın keçmiş xarici işlər naziri Jək Strounun iştirakı ilə açıldı. O, İran və Böyük Britaniya arasında tarixi inamsızlığa səmimi və qüssəli bir münasibət bildirdi. Bu, rəsmi diplomatik münasibətlərin durumu nə olursa olsun, muzeyin bir qeyri-rəsmi diplomatik kanal kimi faydasına yaxşı bir misal idi.bbc

GUNAZ.TV

SON XƏBƏRLƏR