Güney Azərbaycanda 21 fevral Ümumdünya Ana Dili Günü ilə bağlı silsilə tədbirlər keçiriləcək Hər il olduğu kimi, bu il də Güney Azərbaycanın əksər şəhərlərində 21 fevral Ümumdünya Ana Dili Günü ilə bağlı tədbirlər və aksiyalar keçiriləcək.2000–ci ildən etibarən YUNESCO 21 fevralı rəsmən Ümumdünya Ana Dili Günü elan edib. Güney Azərbaycan türkləri də ana dilində təhsil hüququnu əldə etmək üçün kütləvi tədbir və dinc etiraz aksiyaları keçirirlər. Xatırladaq ki İran adlanan yerin Konstitusiyasının 15-ci maddəsində bu ərazidə yaşayan qeyri-fars millətlərinin öz ana dillərində təhsil almaq huququ təsbit olunsa da, ancaq bu qanun hələ də icra edilmir. Öz milli və mədəni haqlarını tələb edən Güney Azərbaycan türkləri fars şovinist rejimi tərəfindən həbs edilərək ağır işgəncələrə, uzunmüddətli həbs və sürgünlərə məruz qoyulur. Ötən il Təbrizdə və Güney Azərbaycanın başqa şəhərlərində 19-20-21 fevral günləri ərəfəsində öz ana dilində təhsi tələbilə aksiyalar keçirmək istəyən soydaşlarımız “Ettelaat” əməkdaşları tərəfindən həbs edilərək uzunmüddətli fiziki və ruhi işgəncələrə məruz qoyuldular, sonradan girov muqabilində müvəqqəti azdlığa buraxılsalar da, bir müddət öncə məhkəmələrdə qondarma ittihamlarla 5 il həbs və sürgünrə məhkum olundular. Bütün bunlara baxmayaraq, Güney Azərbaycan türkləri öz milli və insan haqlarını əldə etmək üçün heç bir təzyiqdən qorxmayaraq öz haqlı mübarizələrini aparırlar. Ancaq fars şovinist rejimi bu il də öz polis və təhlükəsizlik məmurlarını Güney Azərbaycanın şəhərlərindəki dinc aksiyaları güclə yatırmağa səfərbər edib. Lakin milli fəallar Türk dilində təhsil şuarıyla silsilə tədbirlər və aksiyalar keçirəcək. Xatırladaq ki son vaxtlar Güney Azərbaycanın əksər şəhərlərində Türk dilində təhsil tələbilə kütləvi imzatoplama kampaniyasi başlayıb. Bu kampaniyada son günlərə qədər yüz mindən artıq soydaşımız iştirak edib. 21 fevraladək toplanan imzalar İran adlanan yerin rəsmilərinə və beynəlxaq insan haqları təşkilatlarına göndəriləcək. Bu arada Xoy şəhərində CD-lər paylanıb, küçələrə plakatlar yapışdırılıb. Küçə və meydanlarda "Rəsmi dil türkcə olsun!", "Xocalı canilərinə ölüm!" şüarları səsləndirilib, kürd və erməni terrorçularının hərəkətləri pislənilib. Eyni zamanda Xoy sakinləri şəhərdəki "Bank Persian"ın adının dəyişdirilməsini tələb ediblər. Bundan əlavə, Urmiya şəhərində milli fəallara qarşı təzyiqlər kəskin şəkildə artıb. Son günlər bir çox soydaşımız “Ettelaat”a çağırılıb. Onlardan 21 fevral Ümumdünya Ana Dili Günü ilə bağlı tədbirlərə qatılmamaq barədə iltizam alınıb. Milli fəallara deyiblər ki, fevralın 20-si və 21-də imkan daxilində evdən çıxmamalıdırlar. Ancaq Güney Azərbaycanın müxtəlif şəhərlərində, o cümlədən Urmiyada vətəndaşlar mobil telefonlarla bir-birlərinə SMS-lər göndərib ana dili mərasimlərinə qatılmağa çağırırlar. Urmiya küçələrində polisin və mülki geyimli “Ettelaat” əməkdaşlarının nəzarəti gücləndirdiyi vurğulanır. Bu arada BMT bildirir ki, dünyada danışılan 6700 dildən demək olar yarısı yox olmaq təhlükəsi qarşısındadır. YUNESCO yox olmaq təhlükəsi qarşısında olan dillərin atlasını açıqlayaraq qeyd edib ki, bu dilləri qorumaq mədəni irsin saxlanması üçün olduqca böyük əhəmiyyət daşıyır. Atlasa əsasən, dünyada 199 dildə yalnız 10 nəfərə yaxın adam danışır. Bu dillər arasında Latviyada yayılmış dillərdən biri olan Livoniya dili də var. Hazırda bu dildə yalnız bir adam danışır. YUNESCO-nun bildirdiyinə görə, Alyaskada Eyak və Türkiyədə Ubuk dillərində danışan yeganə adamlar ötən il vəfat edib. Beləliklə, dünyada daha iki dil hazırda ölü dil hesab olunur.