Contact Us

SON XƏBƏRLƏR

İranda qız və oğlan öyrəcilərini ayırırlar

2021.10.20, 07:36
İranda qız və oğlan öyrəcilərini ayırırlar

Gunaz.tv

GünAz TV: Tehranın Şərif Sənaye Universitetinin rektoru (universitetin rəisi) Rza Rusta Azad iyunun (June) 27-də jurnalistlərlə görüşündə yeni təhsil ilindən (oktyabr) tələbə oğlan və qızların ayrı-ayrı auditoriyalarda (kilaslarda) təhsil alacaqlarını bildirib.

Bir neçə gün əvvəl İran parlamentinin bəzi deputatları (millət vəkilləri)  jurnalistlərlə görüşdə ali təhsil naziri Kamran Daneşcuya istinadla yeni təhsil ilində tələbə oğlan və qızların bir-birindən ayrılaraq ayrı-ayrı auditoriyalara təhsil alacaqlarını bildirmişdilər.

Ali Təhsil Nazirliyinin tələbələri cinsiyyətinə görə bir-birindən ayırmaq barədə proqram hazırladığını vurğulayan Rza Rusta Azad bu təşəbbüsə dəstək verdiyini bəyan edib: “Şərif Sənaye Universiteti də həmin istiqamətdə, yəni tələbələrin yeni təhsil ilində cinsiyyətinə görə ayrı-ayrı auditoriyalarda təhsil ala bilməsi üçün müəyyən proqramlar hazırlayıb. Çünki tələbələr orta məktəbdən birdən-birə gəlib universitet mühitinə düşəndə şoka düşürlər. Elə buna görə də bəzən tələbələrin valideynləri bu problemin aradan qaldırılması üçün bizə müraciət edirlər. Hesab edirəm ki, universitet mühitinin adiləşməsi üçün tələbələrin cinsiyyət baxımından bir-birindən ayrılması və onların ayrı-ayrı auditoriyalarda təhsil alması vacibdir”.

İran parlamentinin deputatı, təlim komissiyasının (komisiyonunun) rəisi Əli Abbaspur Tehranifər iyunun 27-də jurnalistlərə açıqlamasında Ali Təhsil Nazirliyinin tələbə oğlan və qızların bir-birindən ayrı təhsil alması proqramına qarşı çıxdığını bəyan edib: “Ali təhsil ocaqlarındakı tələbə oğlan və qızların birlikdə təhsil almasına mane olmaq düz deyil. Birincisi ona görə ki, onları ayırmağa çoxlu vəsait və əlavə yer lazımdır. Buna isə bizim imkanımız çatmır. İkincisi ona görə ki, universitetdə təhsil alan oğlan və qızları bir-birindən ayırmağın mənası yoxdur. Çünki onlar cəmiyyətdə bir-birinin yanında işləyib fəaliyyət göstərəcəklər”. “Media forum”

SEÇİLMİŞ XƏBƏRLƏR

Çox oxunanlar