Məclis üzvünü güllələyən edam olundu

SON XƏBƏRLƏR

Məclis üzvünü güllələyən edam olundu

2023.12.13, 11:42

Rəhbəri Təyin Edən Mütəxəssislər Məclisinin (farsca: Məclisi Xübrəqani Rəhbəri) üzvünü güllələyən şəxs bu gün səhər edam olunub.

Gunaz.tv

İranın Məhkəmə Sisteminin rəsmi xəbər agentliyi Abbasəli Süleymanini cari ilin may ayında güllələyərək öldürən kapitan Həbibinin edam hökmünün dekbarın 13-ü icra olunduğunu açıqlayıb.

Edam prosesi Süleymaninin ailə üzvlərinin iştirakı ilə həyata keçirilib.

Agentlik bir müddət əvvəl “qisas” hökmünün Respublikanın Alli Məhkəməsində təsdiqləndiyini bildirmişdir.

عباسعلی سلیمانی، نماینده پیشین مجلس خبرگان رهبری

Abbasəli Süleymani, İran rəhbəri Xaməneyinin Sistan və Bəluçistan Əyalətində keçmiş təmsilçisi

Olay barədə

Molla Süleymaninin öldürülməsinə aid sosial şəbəkələrdə rəvayətə əsasən Süleymani Babülsər şəhəri Milli Bank Filialına müraciət edərək hesabından 3 milyar 400 milyon tümən nağd məbləğ verilməsini tələb edib.

Bankın rəisi bildirib ki, bankda o qədər məbləğ yoxdur. Süleymani əsəbləşərək filialdakı hesabında 420 milyar tümən vəsaitinin olduğunu bildirib.

Bankda gözətçi işləyən təqaüdə çıxmış polis kapitanı Həbibi Süleymaninin əsəbləşdiyini eşidərək əməkdaşına deyib ki, “dünən axşam bir kletka yumurta almağa pulum olmayıb.”.

Bu ifadədən sonra bankda atəş açılma səsi eşidilib. Kamera görüntülərinə əsasən həmin gözətçi oturmuş Süleymaninin axra tərəfinə keçərək ona atəş açır.
2e00be3a5435a1354231b62720f8504a8cf1c027-500x291.jpg?rect=56,0,388,291&w=800&h=600&fm=webp&q=70

Qeyd edək ki, Abbasəli Süleymani İran rəhbəri Xaməneyinin Sistan və Bəluçistan Əyalətində həmçinin təmsilçisi olub. 420 milyar tümən təxminən 8 milyon 400 min dollar edir.

GUNAZ.TV

SON XƏBƏRLƏR