Contact Us

SON XƏBƏRLƏR

Suriya xarici işlər naziri BƏƏ-yə getdi

2025.01.06, 16:41
Suriya xarici işlər naziri BƏƏ-yə getdi

Suriyanın keçid hökumətinin xarici işlər naziri Əsəd Həsən əş-Şibani Birləşmiş Ərəb Əmirliklərinə (BƏƏ) rəsmi səfərə gedib.

Gunaz.tv

GünazTV “Report”a istinadən xəbər verir ki, bu barədə Suriyanın SANA informasiya agentliyi məlumat yayıb.

Əş-Şibaninin başçılıq etdiyi nümayəndə heyətinə Suriyanın müdafiə naziri Murhaf Əbu Kasra və Ümumi Kəşfiyyat Xidmətinin rəhbəri Anas Həsən Həttab daxildir. Agentlik qeyd edib ki, Suriyanın yeni hökumətinin nümayəndələri BƏƏ-də ölkələr arasında əməkdaşlıq və koordinasiya perspektivlərini müzakirə edəcəklər.

BƏƏ Suriya nümayəndə heyətinin respublikada hakimiyyət dəyişikliyindən sonra səfər etdiyi üçüncü ölkə olub. Bundan əvvəl əş-Şibani, Əbu Kasra və Hattab Qətərə səfər edərək əmirliyin baş naziri, xarici işlər naziri Məhəmməd bin Əbdülrəhman Al Tani ilə görüşüblər. Yanvarın əvvəlində onlar Ər-Riyadda Səudiyyə Ərəbistanının xarici işlər naziri şahzadə Feysəl bin Fərhan Əl Səud ilə danışıqlar aparıblar.

Yaxın günlərdə Suriya nümayəndə heyətinin Ürdünə səfəri planlaşdırılır.

Açar Sözlər :

OXŞAR XƏBƏLƏR

SEÇİLMİŞ XƏBƏRLƏR

Çox oxunanlar