Contact Us

SON XƏBƏRLƏR

Suriyanın keçid prezidenti ilk dəfə xalqa müraciət edib

2025.01.31, 11:44
Suriyanın keçid prezidenti ilk dəfə xalqa müraciət edib

Əhməd Əl-Şəra keçid dövrünün prezidenti seçildikdən sonra xalqa ilk müraciətini etdi.

Gunaz.tv

Əhməd Əl-Şəra  çıxışına Suriya xalqını salamlayaraq başlayıb: "Artıq 54 gündür ki, Suriya üzərinə onilliklərdir çökən zalım rejimdən azad edilib. Dünyanın ən zülmkar idarəetmə formalarından biri sona çatdı. Suriya əvvəlcə Allahın lütfü, sonra isə daxildə və xaricdə döyüşən hər kəsin köməyi ilə azad edildi."

Əhməd Əl-Şəra çıxışında əlavə edib ki, Suriyada siyasi proseslərin irəli getməsini təmin etmək üçün hüquq ekspertləri ilə geniş məsləhətləşmələrdən sonra ölkəyə rəhbər seçildi. "Bu gün sizə bir hökmdar kimi yox, yaralı vətənimizə xidmət edən biri kimi müraciət edirəm. Suriyanın birliyini və inkişafını təmin etmək üçün bütün gücüm və iradəmlə çalışacağam," - Əhməd Əl-Şəra vurğuladı.

Suriyanın prioritetlərini sadalayan Şəra, prioritetlərin sosial sülhün təmin edilməsi, Suriya xalqına qarşı cinayət törədənlərin ədalət qarşısında cavablandırılması, ərazi bütövlüyünün qorunması, şəffaf və ədalətli dövlət qurumlarının qurulması, güclü iqtisadiyyatın yaradılması və həyat şəraitinin yaxşılaşdırılması olacağını vurğulayıb.

Şəra bildirib ki, istər daxildə, istərsə də xaricdə Suriya xalqına qarşı cinayət törədənlər mühakimə olunacaq.

Suriyanın güclü bir regional və beynəlxalq aktyor olması üçün çalışacaqlarını deyən Şara, möhkəm bir iqtisadiyyat qurmağı hədəflədiklərini söylədi.

 

 

Ş.E

 

Açar Sözlər :

SEÇİLMİŞ XƏBƏRLƏR

Çox oxunanlar