Rusiya və ABŞ nadir torpaq metalları üzrə danışıqlara başlayıb

SON XƏBƏRLƏR

Rusiya və ABŞ nadir torpaq metalları üzrə danışıqlara başlayıb

2025.03.31, 11:17

Rusiyanın sərvət fondunun rəhbəri Kirill Dmitriev martın 31-də Rusiyanın “İzvestiya” qəzetinə müsahibəsində Vaşinqton və Moskva Rusiyanın nadir torpaq mineralları ilə bağlı layihələri müzakirə etməyə başladığını iddia edib.

Gunaz.tv

“Nadir torpaq metalları əməkdaşlıq üçün mühüm sahədir və təbii ki, biz müxtəlif nadir torpaq metalları və Rusiyadakı digər layihələr haqqında müzakirələrə başlamışıq”, - deyə Kirill Dmitriev bildirib.

Rəsmi iddia edir ki, bəzi şirkətlər artıq layihələrə maraq göstəriblər.

Kiril Dmitriev Tramp administrasiyasının fevral ayında Səudiyyə Ərəbistanında ilk birbaşa danışıqları zamanı Rusiyanın müzakirəçilərindən biri olub.

Fevralın 18-də keçirilən danışıqların ardınca daha iki raund müzakirələr aparılıb və martın 24-də Ukraynada qismən atəşkəslə bağlı görüş keçirilib. Dmitriyev bildirib ki, növbəti raund aprelin ortalarında baş tutacaq. Planlaşdırılan növbəti görüş həm siyasi məsələlərə, həm də iqtisadi sahədə əməkdaşlığa aid olacaq.

Rusiya prezidenti Vladimir Putin fevralda Rusiyanın nadir torpaq yataqlarının, o cümlədən Putinin “yeni nəzarət edilən regionlar” adlandırdığı Ukraynanın işğal olunmuş hissələrində layihələrin hazırlanması prosesində ABŞ ilə işləməyə açıq olduğunu bildirib.

ABŞ prezidenti Donald Tramp martın 30-da deyib ki, Ukrayna prezidenti Volodimir Zelenski kritik minerallar sazişindən geri çəkilmək niyyətindədir və bunu edərsə, ona “böyük problemlər” barədə xəbərdarlıq edib.

Şahin Elxanoğlu

GUNAZ.TV

SON XƏBƏRLƏR