Contact Us

SON XƏBƏRLƏR

Rusiya 4 istiqamətdə hücum keçdi

2025.04.17, 13:48
Rusiya 4 istiqamətdə hücum keçdi

Rusiya bir tərəfdən Amerika ilə danışıqlarda vaxt uzatmaqla məşğul ikən, digər yandan da cəbhədə hücumlarını çoxaldır. Bundan əvvəl Ukrayna ordusunun Baş komandanı Aleksandr Sırski Rusiya hücumlarının intensivliyinin iki dəfə artdığını bəyan edib.

Gunaz.tv

GünazTV “AzPolitika”-ya istinadla xəbər verir ki, Ukrayna Baş Qərargahının məlumatına görə, ötən gün cəbhədə 125 toqquşma olub. Ruslar ən çox 4 istiqamətdə - Liman, Toretsk, Pokrovsk və Novopavlovs istiqamətlərində hücum ediblər. Ancaq Ukrayna Silahlı Qüvvələri Rusiyanın hücumlarını dəf edir.

Qeyd olunur ki, dünən işğalçılar Ukrayna ərazisinə iki raket və 94 hava zərbəsi endirib və 154 idarə olunan aviabomba atıblar.

Xarkov istiqamətində düşmən iki dəfə Ukrayna hərbçilərinin Volçansk və Zapadnoye rayonlarındakı mövqelərinə hücum edib.

Kupyansk istiqamətində gün ərzində Ukrayna hərbçiləri Novaya Kruqlyakovka, Boquslavka, Zaqrizove yaxınlığında və Petrovpavlovka istiqamətində işğalçıların 5 hücumunu dəf edib.

Liman istiqamətində rus qoşunları Nadejda, Novosergeevka, Grekovka, Novomikhaylovka, Novoye yaşayış məntəqələri yaxınlığında, həmçinin Olqovka və Zelyonaya Dolina istiqamətində 16 hücum həyata keçirib.

Seversk istiqamətində düşmən Qriqoryevka, İvano-Daryevka, Vyemka və Verxnekamyanski ərazilərində 9 dəfə müdafiəni yarmağa cəhd edib.

Kramatorsk istiqamətində Ukrayna Silahlı Qüvvələrinin bölmələri Çasov Yar, Kurdyumovka və Stupochki yaxınlığında 5 döyüş toqquşması qeydə alıb.

Toretsk istiqamətində işğalçılar Toretsk və Leonidovka yaxınlığında 13 hücum həyata keçiriblər.

Pokrovsk istiqamətində ukraynalı müdafiəçilər Aleksandropol, Yelizavetovka, Lısovka, Zvirovoye, Uspenovka, Novoalexandrovka, Preobrajenka, Troitskoye, Andreyevka, Boqdanovka, Nikolayevin Staraya istiqamətində və Sergeyevka ərazilərində düşmənin 29 hücumunu dayandırıblar.

Novopavlovsk istiqamətində rus qoşunları Konstantinopol, Razliv, Privolnoye yaxınlığında və Baqatır istiqamətində 15 dəfə müdafiə mövqelərinə hücum ediblər.

Gün ərzində yalnız Qulyay-Polye istiqamətində hərbi toqquşma qeydə alınmayıb.

Kursk istiqamətində müəyyən ərazilər hələ də Ukraynanın nəzarətindədir. Burada bir gündə 14 hərbi toqquşma baş verib. Rusiya ordusu 23 hava hücumu həyata keçirib, 37 idarə olunan hava bombası atıb və 17-si çoxsaylı raket sistemlərindən olmaqla 413 artilleriya hücumu həyata keçirib. Lakin Ukrayna qoşunlarını bu ərazidən çıxarmaq mümkün olmur.

 

 

Ş.E

Açar Sözlər :

SEÇİLMİŞ XƏBƏRLƏR

Çox oxunanlar