İsrail Lübnanın güneyində Hizbullah mövqelərinə zərbələr endirib

SON XƏBƏRLƏR

İsrail Lübnanın güneyində Hizbullah mövqelərinə zərbələr endirib

2025.04.17, 14:57

İsrail ordusu cümə axşamı Lübnanın güneyindəki Hizbullah infrastruktur obyektlərinə necə zərbələr endirdiyini açıqlayıb.

Gunaz.tv

“İsrail Müdafiə Qüvvələri gecə Lübnanın güneyindəki Hizbullah terror təşkilatının infrastruktur obyektlərinə zərbələr endirib. İsrail Hizbullahın mülki pərdə altında hərbi mövcudluğu bərpa etmək və ya qurmaq cəhdlərinə qarşı fəaliyyət göstərəcək” - deyə məlumatda bildirib.

Noyabrın 27-də İsrail və Hizbullah arasında bir ildən çox davam edən hərbi əməliyyatları dayandırmağa çalışan atəşkəsə baxmayaraq, İsrail Hizbullahın yenidən dirçəlməsinin qarşısını almaq üçün Lübnanın güneyindəki Hizbullah mövqelərinə hər gün hücumlar həyata keçirməyə davam edir.

Atəşkəs bağlanandan bəri Lübnandan İsrailə raket atıldığı da bildirilir. Heç bir qrup atışlara görə məsuliyyəti üzərinə götürməsə də aprelin 16-ı Lübnan ordusu Lübnandan İsrailə raket atmaqda şübhəli bilinən bir neçə nəfəri həbs etdiyini bildirib.

Bir təhlükəsizlik rəsmisi AFP-yə bildirib ki, saxlanılanlardan üçü Hizbullahın müttəfiqi Həmas üzvüdür.

- Cəfər Cəfərli

GUNAZ.TV

SON XƏBƏRLƏR