Contact Us

SON XƏBƏRLƏR

Fransa öz vətəndaşlarına İrana səfəri qadağan etdi

2025.04.19, 10:33
Fransa öz vətəndaşlarına İrana səfəri qadağan etdi

Bu gün Fransa Xarici İşlər Nazirliyi rəsmi olaraq fransız vətəndaşlarına hər hansı səbəbdən İrana səfər etməyi qadağan etdiyini açıqlayıb.

Gunaz.tv

GünazTV xəbər verir ki, bu barədə xarici KİV məlumat yayıb.

Fransa Xarici İşlər Nazirliyinin sözçüsü Kristofe Lemone mətbuat brifinqində bildirdi ki, İrana bütün səyahətlər qəti şəkildə tövsiyə edilmir: "Səbəbindən asılı olmayaraq bütün səfərlər qəti qadağandır." 

O, hökumətin hələ də İranda olan hər hansı Fransa vətəndaşının gecikmədən ölkəni tərk etməsini tövsiyə etdi.

"Biz İranda ola biləcək bütün Fransa vətəndaşlarını dərhal ölkəni tərk etməyə çağırışımızı təkrar edirik. Onlar, həqiqətən də, yalnız milli mənsubiyyətlərinə görə özbaşına həbs olunma riski ilə üzləşirlər", - Xarici İşlər Nazirliyinin sözçüsü əlavə edib.

Xəbərdarlıq İran həbsxanalarında saxlanılan bir neçə Fransa vətəndaşı ilə bağlı davam edən narahatlıq fonunda verilib. Onun sözlərinə görə, onların saxlanma şəraiti beynəlxalq humanitar hüquqa əsasən işgəncə sayıla bilər.

"Mən bir daha onların və ailələrinin cəsarətinə hörmət etmək istərdim. Onlar azadlığa buraxılmaları üçün Fransa hakimiyyətinin tam səfərbərliyinə arxalana bilərlər", - o əlavə edib.

 

 

Ş.E

Açar Sözlər :

OXŞAR XƏBƏLƏR

SEÇİLMİŞ XƏBƏRLƏR

Çox oxunanlar