Contact Us

SON XƏBƏRLƏR

Böyük Britaniya Arktikada hərbi mövcudluğunu artıra bilər

2025.04.19, 11:31
Böyük Britaniya Arktikada hərbi mövcudluğunu artıra bilər

Arktikada qlobal oyunçular arasında güclənən rəqabət fonunda Britaniya yüksək enliklərdə hərbi mövcudluğunu gücləndirməlidir.

Gunaz.tv

“Financial Times” xəbər verir ki, Britaniya hökuməti bu cür tövsiyələri ölkənin təhlükəsizlik, müdafiə və xarici siyasətinin qarşıdan gələn inteqrasiya icmalının müəlliflərindən alacaq.

Sənəddə pilotsuz texnologiyalara və qabaqcıl hərbi inkişaflara sərmayə qoyulması, ayrı-ayrı agentliklər arasında resurslar və kadrlar uğrunda rəqabətin qarşısını almaq üçün Böyük Britaniyanın kiber imkanlarının yenidən qurulması tövsiyə oluna bilər.

İyunun sonunadək dərc edilməsi planlaşdırılan icmal NATO-nun keçmiş baş katibi (1999-2003) Lord Corc Robertson, 2013-2016-cı illərdə Böyük Britaniyanın Strateji Komandanlığına rəhbərlik etmiş Riçard Barrons, Ağ Ev Milli Təhlükəsizlik Şurasının Rusiya üzrə keçmiş baş direktoru Fiona Hill və müstəqil ekspertlər qrupu tərəfindən hazırlanır.

2023-cü ilin martında o zamanlar indi müxalifətdə olan Mühafizəkarlar Partiyasının üzvlərindən ibarət Böyük Britaniya Nazirlər Kabineti Təhlükəsizlik, Müdafiə və Xarici Siyasət üzrə İnteqrasiya İcmalının yenilənmiş versiyasını dərc etdi.

63 səhifəlik sənəddə deyilir ki, krallıq xarici siyasət prioritetinin ortamüddətli perspektivdə Rusiyanın Avropa təhlükəsizliyi və dünya nizamı üçün yaratdığı təhdidlərə qarşı durmağa davam edəcək.

 

 

Ş.E

Açar Sözlər :

SEÇİLMİŞ XƏBƏRLƏR

Çox oxunanlar