Contact Us

SON XƏBƏRLƏR

İranın xarici işlər naziri Netanyahunu Amerika-İran danışıqlarına qarışmaqda ittiham edib

2025.04.28, 12:54
İranın xarici işlər naziri Netanyahunu Amerika-İran danışıqlarına qarışmaqda ittiham edib

İranın xarici işlər naziri İsrailin baş naziri Benyamin Netanyahunu həm İranın, həm də Amerikanın siyasətini diktə etməyə çalışmaqda ittiham edərək, İrana qarşı hər hansı hərbi əməliyyatın dərhal qarşılığını alacağı ilə bağlı xəbərdarlıq edib.

Gunaz.tv

Abbas Əraqçi bu barədə sosial media hesabında paylaşım edib.

"İsrailin İranın nə edə biləcəyini və ya etməyəcəyini diktə edə bilməsi ilə bağlı fantaziyası reallıqdan uzaqdır." - deyə Əraqçi bildirib.

Baş diplomat həmçinin prezident Co Bayden administrasiyasından olan Amerika rəsmilərini hədəfə alıb, onları “Netanyahunun müttəfiqləri” kimi xarakterizə edib.

"İran, xarici siyasətinə xətər yetirmək üçün zərərli xarici aktorların istənilən cəhdinin qarşısını almaq üçün kifayət qədər güclü və öz imkanlarına inamlıdır", - deyən Əraqçi əlavə edib ki, İran ictimaiyyətinin böyük bir hissəsi artıq 2015-ci il nüvə razılaşmasını yetərli hesab etmir və nəzərəçarpacaq divident əldə etməyə çalışır.

"Heç bir hərbi variant yoxdur və şübhəsiz ki, hərbi həll yolu yoxdur. İstənilən zərbəyə dərhal cavab veriləcək", - o xəbərdarlıq edib.

 

- Cəfər Cəfərli

Açar Sözlər :

OXŞAR XƏBƏLƏR

SEÇİLMİŞ XƏBƏRLƏR

Çox oxunanlar