Contact Us

SON XƏBƏRLƏR

Oman: Amerika Husilər arasında atəşkəs üçün vasitəçilik etdik

2025.05.07, 14:20
Oman: Amerika Husilər arasında atəşkəs üçün vasitəçilik etdik

Omanın xarici işlər naziri Bədr Əlbusaidi bildirib ki, husilər və Amerika “artıq bir-birini hədəf almayacaq, Qırmızı dənizdə beynəlxalq ticarət gəmiləri üçün naviqasiya azadlığını təmin edəcək”.

Gunaz.tv

Oman işlər naziri bildirib ki, tərəflərdən heç biri digərini, o cümlədən Qırmızı dəniz və Bab əl-Məndəb boğazındakı Amerika gəmilərini hədəf almayacaq.

“The Jerusalem Post”a mənbənin verdiyi məlumata görə, danışıqlarda Amerika prezidenti Donald Trampın Yaxın Şərq üzrə xüsusi nümayəndəsi Stiv Vitkoff iştirak edib.

Omanın bəyanatında husilərin İsrailə hücumlarından bəhs edilməyib. İranın dəstəklədiyi terror qruplaşmasının rəsmisi çərşənbə günü "Reuters" agentliyinə bildirib ki, Amerika ilə razılaşmaya İsrail daxil deyil.

Bundan əvvəl Tramp Amerikanın husiləri bombalamağı dayandırmasına qarşılıq, qrupun da Yaxın Şərqdəki mühüm gəmi yollarının kəsməsini dayandıracağını bildirib.

Yəmənli qrup Qəzzada müharibə başlayandan sonra gəmi yollarına hücum etməyə başlayıb və bu hücumların fələstinlilərə dəstək anlamına gəldiyini iddia edib.

Mart ayında Tramp öz administrasiyası dövründə Husilərə qarşı Vaşinqtonun ən böyük hərbi əməliyyatına başlayıb və bu əməliyyat zamanı yüzlərlə yəmənli öldürülüb.

 

 

Şahin Elxanoğlu

Açar Sözlər :

OXŞAR XƏBƏLƏR

SEÇİLMİŞ XƏBƏRLƏR

Çox oxunanlar