Contact Us

SON XƏBƏRLƏR

Amerika yeni nüvə bombası HAZIRLAYIR

2025.05.08, 12:21
Amerika yeni nüvə bombası HAZIRLAYIR

Amerika may ayında ən yeni termonüvə aviasiya bombası olan "B61-13"ün seriyalı istehsalına başlamağı planlaşdırır.

Gunaz.tv

GünazTV Musavat.com-a istinadla xəbər verir ki, bu barədə Amerika Energetika Nazirliyi nəzdindəki Milli Nüvə Təhlükəsizliyi İdarəsinin (NNSA) rəhbəri vəzifəsini icra edən Tereza Robbinz məlumat verib.

"NNSA-nın gözləntisinə əsasən, B61 bombasının 13-cü modifikasiyalı ilk seriyalı nümunəsi bu ayın sonunda hazır olacaq. Bu da planlaşdırıldığından təxminən bir il daha tezdir", – deyə o, Amerika Konqresinin Nümayəndələr Palatasının Silahlı Qüvvələr Komitəsində keçirilən dinləmələr zamanı bildirib.

O əlavə edib ki, sualtı qayıqlardan buraxılan "Trident II" ballistik raketləri üçün nəzərdə tutulan "W88 Alteration 370" proqramı Amerika Hərbi Dəniz Qüvvələrinə 100 faiz vaxtında təhvil verilir və istehsal 2025-ci maliyyə ilinin sonunadək başa çatdırılmalıdır.

Qeyd olunub ki, "B61-13" bombalarının istehsalı barədə qərar 2023-cü ildə, sabiq prezident Co Baydenin rəhbərlik etdiyi əvvəlki administrasiya dövründə qəbul olunub. Bu qərar Amerikada və beynəlxalq aləmdə nüvə silahlarının azaldılmasını müdafiə edən ekspertlər tərəfindən tənqid olunub.

 

 

Ş.E

Açar Sözlər :

OXŞAR XƏBƏLƏR

SEÇİLMİŞ XƏBƏRLƏR

Çox oxunanlar