Contact Us

SON XƏBƏRLƏR

Amerika İran neft alıcılarını sanksiya siyahısına aldı

2025.05.09, 10:52
Amerika İran neft alıcılarını sanksiya siyahısına aldı

Amerika Çinin neft emalı zavodu və terminal operatorlarına İran neftinin tədarükünə kömək etdiklərinə görə sanksiyalar tətbiq edib.

Gunaz.tv

GünazTV xəbər verir ki, məlumat Amerika Dövlət Departamentinin mətbuat xidmətinin yaydığı bəyanatda yer alıb.

Bildirilir ki, “Hebei Xinhai Chemical Group Co.” şirkəti və üç terminal operatoruna “yüz milyonlarla dollar dəyərində İran neftinin əldə edilməsində və ya daşınmalarını dəstəkləməkdə oynadıqları rola görə” sanksiyalar tətbiq edilib. Bununla yanaşı, Çin, Honq-Konq, Böyük Britaniya, Sinqapur və Marşal Adaları Respublikasından olan bir sıra digər hüquqi şəxslər də Amerika məhdudiyyətlərinin təsiri altına düşüb. Həmçinin “İranın kölgə donanması”na aid olan neft tankerlərinə və onların kapitanlarına da sanksiyalar tətbiq edilib.

Ümumilikdə, Amerika Maliyyə Nazirliyinin Xarici Aktivlərə Nəzarət İdarəsinin saytında yerləşdirilən məlumata əsasən 2 fiziki şəxs, 11 hüquqi şəxs və 6 tankerə qarşı sanksiyalar tətbiq edilib.

"Nə qədər ki, İran sabitliyi pozan fəaliyyətlərini maliyyələşdirmək üçün neft gəlirləri əldə etməyə çalışacaq, Birləşmiş Ştatlar həm İranı, həm də sanksiyalardan yayınmada bütün tərəfdaşlarını məsuliyyətə cəlb edəcək," - Amerika Dövlət Departamentinin yaydığı bəyanatda deyilir.

 

 

 

Ş.E

Açar Sözlər :

OXŞAR XƏBƏLƏR

SEÇİLMİŞ XƏBƏRLƏR

Çox oxunanlar