Contact Us

SON XƏBƏRLƏR

Suriya kürdləri inteqrasiya prosesini gecikdirməməyə çağırdı

2025.05.13, 12:33
Suriya kürdləri inteqrasiya prosesini gecikdirməməyə çağırdı

Yeni Suriya hakimiyyəti ilə ölkənin şimal-şərq bölgələrində yaşayan kürdlər arasında imzalanan sazişin həyata keçirilməsinin gecikdirilməsi ölkədəki xaosu uzadacaq.

Gunaz.tv

GünazTV Teleqraf-a istinadən xəbər verir ki, bunu Suriyanın xarici işlər naziri Əsəd əş-Şəybani deyib.

Ankarada keçirilən mətbuat konfransında çıxış edən əş-Şəybani, Kürdüstan Fəhlə Partiyasının (PKK) özünüləğv qərarını regional sabitlik üçün dönüş nöqtəsi adlandırıb. Xarici işlər naziri qeyd edib ki, ölkənin şimal-şərqində mövcud olan kürd muxtariyyətinin mülki və hərbi strukturlarının Dəməşqdəki hökumətə inteqrasiyası haqqında Suriya Demokratik Qüvvələri ilə imzalanan saziş mürəkkəb və həssas, lakin ölkə üçün son dərəcə zəruri bir prosesdir.

Əş-Şəybani yeni hakimiyyətin bu sazişin həyata keçirilməsində maraqlı olduğunu və kürdlərin onu həyata keçirməyə ciddi yanaşacaqlarına ümid etdiyini bildirib. O, sazişin həyata keçirilməsinin gecikdirilməsinin ölkədəki xaosu uzadacağını, xarici müdaxilə üçün qapılar açacağını və separatçı meylləri gücləndirəcəyini əlavə edib.

 

 

Ş.E

Açar Sözlər :

OXŞAR XƏBƏLƏR

SEÇİLMİŞ XƏBƏRLƏR

Çox oxunanlar