Contact Us

SON XƏBƏRLƏR

Trampın Suriya lideri ilə görüşü gözlənilir

2025.05.14, 11:31
Trampın Suriya lideri ilə görüşü gözlənilir

Amerika prezidenti Donald Tramp Suriyaya tətbiq edilən sanksiyaların aradan qaldırmasından sonra Əhməd əş-Şara ilə görüşəcəyi ehtimal edilir.

Gunaz.tv

GünazTV BBC-yə istinadla xəbər verir ki, Ağ Evdən verilən məlumata görə, Tramp Yaxın Şərqə səfəri çərçivəsində çərşənbə günü Səudiyyə Ərəbistanında Suriyanın müvəqqəti prezidentinə “salam deməyə” razılaşıb.

Amerika tərəfindən Suriyaya qarşı tətbiq edilən sanksiyalar istənilən xarici maliyyənin Suriyaya çatmasını əngəlləmişdi və devrilmiş prezident Bəşər Əsədin diktaturasına təzyiq göstərmək məqsədi daşıyırdı.

Sanksiyaların ləğvi elanı Suriyanın paytaxtı Dəməşqdə sevinclə qarşılanıb və bu qərar insanlar tərəfindən bayram kimi qeyd olunub.

Tramp Səudiyyə Ərəbistanının paytaxtı Ər-Riyadda keçirilən investisiya forumunda deyib ki, siyasət dəyişikliyi Suriyaya “inkişaf şansı verəcək”.

Suriyanın xarici işlər naziri Əsəd Əl-Şaibani ölkənin dövlət xəbər agentliyi olan Səna-ya müsahibəsində bu qərarı “ölkə üçün mühüm dönüş nöqtəsi” kimi qeyd edib.

O əlavə edib ki, ölkə "illər boyu davam edən dağıdıcı müharibədən sonra sabitlik, özünü təmin etmək və əsl yenidənqurma" gələcəyini gözləyir.

Əsəd rejiminin sonunda Suriya əhalisinin 90 faizi yoxsulluq həddində çatmışdı və yeni hökumət Əsədin dekabr ayında devrilməsindən sonra ölkəyə qarşı tətbiq olunan bütün sanksiyalara son qoymağa çalışır.

 

 

Şahin Elxanoğlu

Açar Sözlər :

OXŞAR XƏBƏLƏR

SEÇİLMİŞ XƏBƏRLƏR

Çox oxunanlar