Contact Us

SON XƏBƏRLƏR

Liviyada sui-qəsd cəhdi gərginliyi artırdı

2025.05.15, 11:59
Liviyada sui-qəsd cəhdi gərginliyi artırdı

Naməlum şəxslər Liviyada Tripolidə yerləşən Milli Razılıq Hökumətinə (UMH) bağlı təhlükəsizlik qrupunun başçısına sui-qəsd cəhdi edib.

Gunaz.tv

GünazTV xəbər verir ki, bu barədə məlumatı Liviyanın “Əl-Əhrar” telekanalı yayıb.

Bildirilir ki, qrup başçısı sui-qəsddən sağ çıxa bilib.

Məlumata görə, bir neçə nəfər UMH Daxili İşlər Nazirliyinin tərkibinə daxil olan Regionlarda Təhlükəsizlik Xidmətlərinə Dəstək Qüvvələrinin komandiri Əli əl-Cəbarinin avtomobilinə atəş açıb. Hadisənin dəqiq yeri, hücum edənlərin ehtimal olunan şəxsiyyətləri və motivləri barədə hələlik məlumat yoxdur.

Hazırda Liviya paytaxtının bir neçə bölgəsində etiraz aksiyaları davam edir. Liviya Prezident Şurasının Təhlükəsizlik və Sabitlik Administrasiyasının öldürülmüş rəhbəri Abdelqani əl-Kiklinin qalası olan Əbu Səlim rayonunda etirazçılar onun qərargahı qarşısında toplaşıblar. Onlar UMH-nin tabeliyində olan qrupların ərazini boşaltmasını və qarşıdurmaların dayandırılmasını tələb edirlər. Digər bir qrup etirazçı isə baş nazir Abdel Hamid Dbeibahın qərargahı qarşısında toplaşaraq onun istefasını tələb edir. Liviya Mətbuat Agentliyinin məlumatına görə, UMH-yə loyal bir qrup artıq Tripolinin mərkəzində etirazçılara atəş açıb.

Qeyd edək ki, Tripolidə vəziyyət bazar ertəsi axşam paytaxtın cənubunda Mahmud Həmzənin 444-cü Döyüş Briqadası ilə Təhlükəsizlik və Sabitliyin Qorunması Aparatı arasında toqquşmaların başlaması ilə gərginləşib. Hadisənin gərginləşməsinə baş qərargah rəisi Əbdülqani əl-Kiklinin ölümü səbəb olub. Ölkənin təhlükəsizlik güclərindəki mənbə “Al Wasat”a təsdiqləyib ki, Qaniva kimi tanınan əl-Kikli bazar ertəsi axşam 444-cü briqadanın qərargahında öldürülüb. Mənbənin sözlərinə görə, əl-Kiklinin qərargahda olmasının səbəbi məlum deyil, lakin onun “görüşə aldadılaraq” aparıldığı ehtimalı var. Toqquşmalar bir neçə saat davam edib, bundan sonra UMH Müdafiə Nazirliyi paytaxtda təhlükəsizliyin təmin edilməsi üzrə əməliyyatın uğurla başa çatdığını elan edib. Baş nazir daha sonra Tripolidə təhlükəsizlik xidmətlərinin yenidən qurulmasına yönəlmiş bir sıra qərarları açıqlayıb. Bu, ilk növbədə, əl-Kiklinin aparatı ilə əlaqəli qüvvələrə təsir etdi. Xüsusən də baş nazir Əbdül Rauf Qaranın komandanlığı altında olan Qüvvələrin ləğvi barədə göstəriş verib. Bu qərar narazılığa səbəb oldu və Qaranın döyüşçüləri ilə 444-cü Döyüş Briqadası arasında yeni toqquşmalar başladı.

 

 

Ş.E

Açar Sözlər :

SEÇİLMİŞ XƏBƏRLƏR

Çox oxunanlar