Contact Us

SON XƏBƏRLƏR

Marko Rubio İSTNABULDA! - üçtərəfli görüş başlayır

2025.05.16, 11:39
Marko Rubio İSTNABULDA! - üçtərəfli görüş başlayır

Bu gün İstanbulda Türkiyə-Amerika-Ukrayna üçtərəfli və Türkiyə-Rusiya-Ukrayna üçtərəfli görüşləri keçiriləcək.

Gunaz.tv

GünazTV Anadolu Agentliyinə istinadən xəbər verir ki, Türkiyə-Amerika-Ukrayna Üçtərəfli Görüşü Türkiyə vaxtı ilə saat 10.45-də Dolmabahçe Sarayında keçiriləcək.

Türkiyə-Rusiya-Ukrayna Üçtərəfli Görüşü də saat 12.30-da eyni məkanda keçiriləcək. Amerika dövlət katibi Marko Rubio Rusiya və Ukrayna arasında sülh danışıqlarında iştirak etmək üçün İstanbula gəlib.

Rubio və nümayəndə heyətini daşıyan təyyarə saat 9:30-da İstanbul hava limanına enib. Amerika dövlət katibini İstanbul hava limanında Amerikanın İstanbuldakı baş konsulu Julie A. Eadeh qarşılayıb.

 

AA-37970237.jpg

 

Rubionun başçılıq etdiyi nümayəndə heyəti saat 10:45-də Dolmabahçe Sarayında keçiriləcək Türkiyə-Amerika-Ukrayna üçtərəfli toplantısına qatılacaq.

Xarici İşlər Nazirliyi mənbələri İstanbulda müxtəlif formatlarda bir sıra görüşlərin keçiriləcəyini, Amerika-Ukrayna-Türkiyə və Rusiya-Ukrayna-Türkiyə üçtərəfli görüşlərinin gündəmdə olduğunu bildiriblər.

Bu gün xarici işlər naziri Hakan Fidan, Rubionun başçılıq etdiyi Amerika nümayəndə heyəti, Ukrayna müdafiə naziri Rustem Umerovun rəhbərlik etdiyi Ukrayna nümayəndə heyəti və Rusiya prezidenti Vladimir Putinin müşaviri Vladimir Medinskinin rəhbərlik etdiyi Rusiya nümayəndə heyətinin İstanbulda olacağı bildirilib.

Rubio Amerika nümayəndə heyətinin Ukraynanın yüksək səviyyəli nümayəndə heyəti ilə görüşəcəyini və Rusiya-Ukrayna danışıqlarında iştirak edəcəyini də qeyd edib.

 

 

Şahin Elxanoğlu

Açar Sözlər :

OXŞAR XƏBƏLƏR

SEÇİLMİŞ XƏBƏRLƏR

Çox oxunanlar