Türkiyə-Amerika rəsmilərinin görüşündə nələr müzakirə ediləcək?

SON XƏBƏRLƏR

Türkiyə-Amerika rəsmilərinin görüşündə nələr müzakirə ediləcək?

2025.05.19, 13:36

Türkiyə ilə Amerika arasında Suriya üzrə işçi qrupu toplantısının 20 may 2025-ci il tarixində Amerikanın paytaxtı Vaşinqton şəhərində keçirilməsi planlaşdırılır.

Gunaz.tv

GünazTV Azpolitika-ya istinadla xəbər verir ki, bu barədə Türkiyə Xarici İşlər Nazirliyi məlumat paylaşıb.

Toplantıya Türkiyə Xarici İşlər nazirinin müavini Nuh Yılmaz və Amerikalı həmkarı Xristofer Landau həmsədrlik edəcəklər.

Görüşün qurumlararası formatda keçiriləcəyi və əsas diqqətin Türkiyə ilə Amerikanın Suriya siyasətindəki prioritetləri, həmçinin Suriyada təhlükəsizlik və sabitliyin təmininə dair əməkdaşlıq imkanlarının müzakirəsinə yönələcəyi bildirilib.

Toplantıda İŞİD və digər terror təşkilatları ilə mübarizənin də əsas mövzulardan biri olması gözlənilir. Bu çərçivədə Türkiyənin son dövrdə İŞİD-lə mübarizə sahəsində Suriya rəhbərliyinə verdiyi dəstək və təşəbbüskarı olduğu regional səylərin müzakirəsi planlaşdırılır. Eyni zamanda, Suriyanın şimal-şərqindəki düşərgələrlə bağlı əməkdaşlıq imkanlarının da dəyərləndirilməsi gözlənilir.

Toplantı çərçivəsində Amerika tərəfinin Suriyadakı hərbi qüvvələrinin yenidən təşkili ilə bağlı həyata keçirdiyi proses barədə məlumat verməsi də gözlənilir. Bu görüş Amerika və Suriya arasında liderlər səviyyəsində birbaşa təmasların başlanması və Amerika Prezidenti Donald Trampın Suriya ilə bağlı sanksiyaların ləğv olunacağını açıqlamasından dərhal sonra baş tutması baxımından xüsusi əhəmiyyət daşıyır.

Bu kontekstdə Amerikanın Suriyaya qarşı tətbiq etdiyi sanksiyaların aradan qaldırılması ilə bağlı izlənəcək yol xəritəsi və vaxt cədvəlinin də müzakirə olunacağı bildirilir. Görüş zamanı nazir müavini Nuh Yılmazın, Suriyanın ərazi bütövlüyünün və birliyinin qorunması ilə bölgədə sabitliyin təmin olunmasının vacibliyini vurğulaması, həmçinin Suriyanın tarixi bir keçid dövründən keçdiyi bu mərhələnin ölkənin bütün terror elementlərindən təmizlənməsi ilə nəticələnməsi yönündə Türkiyənin gözləntilərini Amerika tərəfinə çatdırması planlaşdırılır.

Ş.E

GUNAZ.TV

SON XƏBƏRLƏR