Teleqraf: İranın raket gücü çökmə mərhələsinə daxil olur

SON XƏBƏRLƏR

Teleqraf: İranın raket gücü çökmə mərhələsinə daxil olur

2026.03.05, 06:13

Gunaz.tv

Britaniyanın “Teleqraf” qəzeti yeni hesabatında bildirib ki, İranın ABŞ və İsrailə qarşı genişmiqyaslı ballistik raket zərbələri endirmə qabiliyyəti ciddi şəkildə zəifləyib və son günlər raket hücumlarının sayı nəzərəçarpacaq dərəcədə azalıb.

Gunaz.tv-nin məlumatına görə, “Teleqraf” qəzeti çərşənbə günü dərc etdiyi təhlildə qeyd edib ki, son hücumların araşdırılması İranın 24 saat ərzində buraxdığı raketlərin sayının əhəmiyyətli dərəcədə azaldığını göstərir. Ekspertlərin fikrincə, bu vəziyyət İranın raket sistemlərinin əməliyyat imkanlarının zəiflədiyinə işarə edə bilər.

Hesabatda bildirilir ki, raket ehtiyatlarının azalması, həmçinin ABŞ və İsrailin hücumları nəticəsində çoxsaylı raket buraxılış qurğularının məhv edilməsi bu vəziyyətin əsas səbəblərindən hesab olunur.

“Teleqraf” hücuma məruz qalan ölkələrin qiymətləndirmələrinə istinadən yazır ki, Tehran münaqişənin ilk günləri ilə müqayisədə hazırda hər sutka ərzində xeyli az sayda ballistik raket buraxır.

Hərbi ekspertlər bildirirlər ki, bu azalmanın əsas səbəblərindən biri ABŞ-ın son hücumları zamanı yerüstü raket buraxılış platformalarının bir hissəsinin sıradan çıxarılmasıdır. Bu isə İranın genişmiqyaslı və ardıcıl raket hücumları həyata keçirmə imkanlarını məhdudlaşdıra bilər.

Məqalədə həmçinin qeyd olunur ki, münaqişənin ilk günlərində İran yüzlərlə ballistik raket buraxmışdı. Bu rəqəm ötən ilin iyun ayında İsraillə baş vermiş 12 günlük müharibə zamanı atılan raketlərin sayından da çox idi.

Bəzi təhlükəsizlik analitikləri xəbərdarlıq edirlər ki, İranın hərbi infrastrukturuna qarşı hücumların davam etməsi halında ölkənin raket potensialı daha da zəifləyə və genişmiqyaslı regional zərbələr endirmə qabiliyyəti ciddi şəkildə məhdudlaşa bilər.

GünAzTV
R.G

GUNAZ.TV

SON XƏBƏRLƏR