İsrail İrana qarşı bir həftə daha ağır hücumlara hazırlaşır

SON XƏBƏRLƏR

İsrail İrana qarşı bir həftə daha ağır hücumlara hazırlaşır

2026.03.07, 00:22

Gunaz.tv

Kan News-un yaydığı məlumata görə, İsrail rəsmiləri bildirir ki, bu ölkənin ordusu İran ərazisindəki hədəflərə qarşı bir həftə ərzində daha genişmiqyaslı hücumlara hazırlaşır. Mənbələrin sözlərinə görə, İsrail Hərbi Hava Qüvvələri bu mərhələdə əvvəlki hücumların nəticələrini qorumağa və İran hakimiyyətinə məxsus hədəflərə təkrar zərbələr endirməyə fokuslanacaq.

Hesabatda qeyd olunur ki, əsas hədəflər hökumət infrastrukturu, raket buraxılış qurğuları və İranın nüvə proqramı ilə əlaqəli obyektlər olacaq. Eyni zamanda bildirilib ki, nüvə obyektlərinə qarşı əsas zərbələrin böyük hissəsi əsasən Amerika Birləşmiş Ştatları tərəfindən həyata keçirilir və ABŞ əməliyyatlarının daha da genişlənməsi ehtimalı da mövcuddur.

Digər tərəfdən, Donald Trampın ətrafında hərbi əməliyyatların sərt şəkildə davam etdirilməsinə meyl olduğu qeyd olunur. Lakin ABŞ hökumətinin daxilində müharibənin davam etdirilməsi ilə bağlı fikir ayrılıqları mövcuddur. Xüsusilə də müharibənin son dərəcə yüksək maliyyə xərcləri — gündə milyardlarla dollar təşkil etməsi və ABŞ-ın daxili siyasi amilləri bu müzakirələrin əsas səbəblərindən biri kimi göstərilir.

Hesabatın digər hissəsində qeyd olunur ki, hücumlar başlamazdan əvvəl İsrail tərəfi İranın hər gün İsrail istiqamətinə yüz əlli ilə iki yüz arasında raket buraxacağını gözləyirdi. Lakin faktiki olaraq indiyədək ümumilikdə təxminən iki yüz raket buraxılıb. Məlumatlı bir mənbənin sözlərinə görə: “İranın bir gündə atacağı gözlənilən raket sayı əslində bir həftə ərzində atıldı.”

Eyni zamanda İsrail mənbələri bildiriblər ki, təyyarələr və pilotsuz uçuş aparatları İranın üzərində davamlı şəkildə uçuşlar həyata keçirərək raket buraxılış qurğularını izləyir və hədəfə alır. Hətta bu qurğuların dağıntılarını təmizləmək və ya onları bərpa etmək üçün gətirilən texnika və maşınlar da hücumların hədəfinə çevrilir.

GünAzTV
R.G

GUNAZ.TV

SON XƏBƏRLƏR