Şamxani ailəsinin Dubay və Avropadakı gizli maliyyə şəbəkəsi

SON XƏBƏRLƏR

Şamxani ailəsinin Dubay və Avropadakı gizli maliyyə şəbəkəsi

2026.03.21, 15:44

Gunaz.tv

Gunaz.tv xəbər verir ki, beynəlxalq korrupsiyaya qarşı mübarizə aparan bir qurum Əli Şamxani-nin övladlarının xaricdəki geniş maliyyə fəaliyyəti və aktivlərini ifşa edib. Məlumata görə, Hüseyn və Əbülfəzl Şamxani Dominika pasportlarından və “Hoqo Haik” və “Sami Haik” kimi saxta kimliklərdən istifadə edərək Dubayda lüks daşınmaz əmlak alıb və fəaliyyətlərini Avropaya qədər genişləndiriblər.

Verilən məlumatlara əsasən, bu iki şəxs Dubayın elit bölgələrində, o cümlədən Cümeyra Bey ərazisində bir neçə bahalı villanın sahibidir və bu əmlakların ümumi dəyəri alındığı vaxt təxminən 29 milyon dollar olub. Sənədlər göstərir ki, bu mülklər saxta adlarla qeydiyyata alınıb və sonrakı alışlar da eyni kimliklərlə həyata keçirilib.

Məlumatlarda həmçinin bildirilir ki, Hüseyn Şamxani daha əvvəl ABŞ, Böyük Britaniya və Avropa İttifaqının sanksiya siyahısına salınıb və İranla Rusiya üçün neft gəlirlərinin daşınmasında iştirakda ittiham olunur.

Daşınmaz əmlakdan əlavə, bu iki qardaşın xaricdə maliyyə strukturlarında da izləri aşkarlanıb. Belə ki, Əbülfəzl Şamxaninin Kiprdə bir investisiya fondunda iştirakı və Türkiyədə qeydiyyatdan keçmiş, qeyri-qanuni neft daşımalarına görə sanksiyaya məruz qalan bir şirkətlə əlaqələri qeyd olunur.

Məlumatlara görə, bu maliyyə şəbəkəsi Dubayda yerləşən şirkətlər vasitəsilə idarə olunub və İran və Rusiya ilə bağlı milyardlarla dollarlıq əməliyyatları əhatə edib.

Bu ifşalar bir daha göstərir ki, İran hakimiyyətinə yaxın şəxslər “investisiya qarşılığında vətəndaşlıq” proqramlarından istifadə edərək kapitalı xaricə çıxarmaqda davam edir.

GünAzTV
R.G

2026.03.14, 20:50

GUNAZ.TV

SON XƏBƏRLƏR